آذربایجان سئوگی شعرلری

متن کامل

آذربایجان پوئزییاسی نین زنگین تاریخینده سئوگی آپاریجی موضوعلاردان بیریدیر و شوبهه سیز کی، سئوگی یه حصر اولونان شعرلر ان چوخ ازبرله نن و سئویلن پوئتیک نمونه لر آراسیندادیر. بؤیوک – کیچیک حؤکمدارلارین، مختلف دینی، سیاسی ایدئولوژییالارین حاکم اولدوغو زامانلاردا یازیب – یارادان، سارایلا دیل تاپان، اونا خدمت ائدن و یا سارایلارلا علاقه سی اولمایان شاعیرلریمیز کؤنلونو عشق عالمینه وئرمیش، ادبیاتیمیزی یاشادان شاه اثرلر قویوب گئتمیشلر. کلاسیک لریمیزله یاناشی بیر چوخ اورتا عصر و چاغداش دؤور شاعیرلریمیز ده آغیزدا گزن، اورکلری اوینادان، موسیقی یه دؤنن گؤزل سئوگی شعرلری یازمیشلار. بو شعرلری سئچیب، بیر یئره توپلاییب بیتؤو شکیلده اوخوجولارا تقدیم ائتمک چوخدانکی آرزوم ایدی.
اولجه، بیر جلدلیک اوزرینده دوشونوردوم (ممکن دور کی، قالین، ایری حجملی) لاکین دوشونجه لریم نظاما دوشدو کجه، مسئله یه یاخین گئدیب اونا داها دریندن نفوذ ائتدیکجه، بیر جلدلیک فکریندن واز کئچمه لی اولدوم. شاعیرلریمیزین ان یاخشی سئوگی شعرلرینین هامیسینی، یاخشی سئوگی شعرلرینین ایسه چوخ بؤیوک قیسمینی کتابا داخل ائتمک ایسته دیم. عادتاً ان یاخشی شعرلرین سئچیمی پوئزییا هوسکارلاری و بیلیجی لری، شعر یازان و شعر سئونلر آراسیندا بؤیوک فکر آیریلیغی دوغورمور، "ساده جه یاخشی" شعرلر باره ده ایسه فکر مختلف لیگی اولماسی ممکن دور.
سئچیمیمی تلسمه دن، یوز اؤلچوب بیر بیچ رک، شعرلرین بدیعی و ائستئتیک دَیَری، فکر یو کو، اوریژینال لیغی کیمی علامت لره دایاناراق ائتدیم. موسیقی نین سحری ده، ایستر – ایسته مز، معین درجه ده رول اوینادی.
 

21 بهمن 1398
تعداد بازدید: 165

نظرات

دسته بندی محصولات
ارائه کنندگان
مرورگر شما بسیار قدیمی است!
جهت مشاهده این وب سایت به صورت صحیح، بروزرسانی مرورگرتان ضروری خواهد بود. بروزرسانی مرورگر
×