فرعونون دفتری

متن کامل

کنعان حاجی بو اثرده هم ده فرويد فلسفه‌سینه استناد ائدیب. اوشاق ياشلاریمیزدا ياشادیغیمیز محرومیت‌لر، ایستکلریمیزین حیاتا کئچمه‌مه‌سی، گؤزلریمیزین باشقا اوشاقلارین سعادتلی حیاتیندا قالماسی بیزده جدی تراومالار يارادیر. بو ایسه بیزی يئتکین انسان اولماغا قويمور. دایم حیاتیمیزین هانسیسا مقاملاریندا معنوی بوشلوغا دوشوروک. اکثر حاللاردا ياشادیغیمیز معنوی بوشلوقدان قاچماغین يوللارینی تاپا بیلمیریک. يارانان معنوی بوشلوق زامانلا درینلشیر. بو آنلاردا ائله بیلیرسن کی، بوتون دونيا سنه قنیم کسیلیب هر کس سنه دوشمندیر. اوشاق ياشلاریمیزدا ياشادیغیمیز کیچیک بوشلوقلار زامان کئچدیکجه آغیر يارالارا چئوریلیر. بیز بؤيودوکجه همین بوشلوقلار دا بوي آتیرو گوجله‌نرک يارالاریمیزین قايساقلارینی داغیدیر.

«فرعونون دفتری» کنعان حاجی‌نین ان پئسسیمیست اثریدیر. اثرین بعضی مقاملاریندا عصبیلشدیم. فرعون اطرافدا باش وئرن حادثه‌‌لره لاقئيددیر. اونون بیگانه‌لیی‌نین سببی حددن چوخ قاپالی اولماسی ایله باغلیدیر. فرعون تکلیینی هئچ کیمله بؤلوشمک ایسته‎میر. اثر پئسسیمیست روحلو اولسا دا يازیچی بیر چیخیش يولو تکلیف ائدیر. فرعونا گؤندریلمیش اوشاق اونو ایشیقلی يولا، پاکلیغا دعوت ائدیر، آنجاق فرعون گئجیکمیشدی. حیات دا بئله‌دیر. درک اولونماسی ان واجب سايیلان مسئله‎نی اوزون ایللر سونرا درک ائدیرسن، او زامان دا گئج اولور.
فرعون اؤز خوشبختلیینی هارادا تاپاجاغینی، هارادا آختارمالی اولدوغونو بیلمیر. 
فرعون اؤز اوشاقلیغی ایله قارشیلاشسا دا اونونلا راضیلاشمیر. آخی نئجه راضیلاشايدی؟ عؤمرو يئنی‎دن ياشاماق اولمور. کئچمیشیمیزه، ساده‌جه، خياللاریمیزدا قايیدا بیلیریک. رئاللیقسا بیزی گله‌جه‌يه سسله‌يیر. بعضاً بیز گله‌جه‌يه او قدر آلوده اولوروق کی، ایندیکی زامانی ياشاماغی اونودوروق. فرعون دا زامانلاری، آنلايیشلاری، حیاتا باخیش فلسفه‌لرینی قاریشدیرمیشدی.

«فرعونون دفتری» هم ده مختلف اِلِمِنتلرین وحدتی‌دیر. بو رومانا حکايه ایچینده حکايه ده دئمک اولار. چونکی رومانی بیرینجی شخصین دیلی ايله نقل ائدن مؤلفله فرعونون اضطرابلاری آراسینداکی اوخشارلیقلار انسانی چاشدیریر...

17 اردیبهشت 1398
تعداد بازدید: 1291
محصولات مرتبط

نظرات

دسته بندی محصولات
ارائه کنندگان
Yedi Iklim türkçe B1
1,500,000ريال990,000ريال
مرورگر شما بسیار قدیمی است!
جهت مشاهده این وب سایت به صورت صحیح، بروزرسانی مرورگرتان ضروری خواهد بود. بروزرسانی مرورگر
×