بالاجا شاهزاده

بالاجا شاهزاده

بالاجا شاهزاده

وضعیت: موجود
پدیدآورنده: آنتوان دوسنت اگزوپری
قیمت:  
950,000ريال

بالاجا شاهزاده

آنتوان دو سنت اگزوپری

چئویرنلر: عزیز گؤزل سوی، یاقوت قوربان اووا

حاضیرلایان : پریسا داداش پور

ناشر: پارلاق قلم

128 صفحه

بیرینجی چاپ 1398

شابک: 2-86-8895-600-978

 

آنتوان دوسنت اگزوپری 29 ایون 1900- جو ایلده لیون دا آنادان اولوب. اونون اوشاق لیق ایللری آمبئریؤ یاخینلیغیندا یاشایان خالاسی گیل ده کئچیب، تحصیلینی سوئدده سنت - کروا - مانس دا، سونرا ایسه پاریس ده آلیب و دنیزچی لیک مکتبینه داخیل اولماغا حاضیرلاشیب. لاکین بو مکتبه داخیل اولماق اوچون تشکیل اولونموش مسابقه دن کئچه بیلمه ییبف گله جک یازیچی قرارا گلیر کی، اینجه صنعت مکتبینه داخیل اولماق اوچون محاضره لره قولاق آسسین.

1921 - جی ایلده استراسبورگ دا، هاوا قوه لری قوشون دا حربی خدمته باشلاییر. اوزدا طیاره سورمه یی اؤیره نیر و او واختدان بری اؤز طالعینی طیاره سوروجولو پئشه سینه باغلاییر. 1923- جو ایلده حربی خدمتینی باشا ووران دان سونرا مختلف پئشه لرده چالیشیب. یازی - پوزو ایله مشغول اولوب، مقاله لر یازیب چاپ ائتدیریردی. 1925 - جی ایلده ایلک حکایه سی مطبوعاتدا درج اولونوب. حکایه، یازیچینین وورغونو اولدوغو اوچوش ماجرالاریندان بیرینه حصر اولونموشدور.

1926-جی ایلده اگزوپری آویاسییا جمعیتینه داخیل اولوب و تولوز - جاکارتا پست طیاره سینی ایداره ائدیب. ائله بو دؤورلرده یعنی 1929 - جو ایلده او، «جنوب پستو» اثرینی یازمیش دیر.

مئریؤز و گیومی ایله بیرلیک ده اگزوپری آمریکا - فرانسه هاوا خطینین آچیلماسینی مذاکره ائتمک اوچون آمریکایا گئدیر.

1931 - جی ایلده «گئجه اوچوشو» اثرینی یازیر و اثر اؤز مؤلفینی دونیا میقیاسیندا تانیدیر، اونا بؤیوک شؤهرت گتیریر.

1935 - جی ایلده پاریس - سایگون اوچوشون دا رئکورد قازانماق اوچون یاریشلاردا اشتراک ائتسه ده اوغور قازانا بیلمیر. 1938 - جی ایلده نیویورک ماگیللان آدالارینی هاوا خطی ایله بیرلیشدیرمه یه جهد گؤستررکن جدی خسارت آلیر. بیر نئچه آی نیویورک خسته خانالاریندا معالجه اولونور و «انسانلارین تورپاغی» آدلی رومانینی چاپ ائتدیریر.

ایکینجی دونیا محاربه سی زامانی آلمان ایشغالچیلارینا قارشی ووروشان آزادلیق اوردوسون دا فعال اشتراک ائدیر. اما او زامان طیار سورمه یی اونا قاداغان ائتمیشدیلر، چونکی اگزوپری آرتیق یاشلی ایدی. بونونلا بئله یازیچی تاکید ائده ائده اؤز ایسته یینه چاتیر و یئنی دن طیاره نین ایشتوروالی آرخاسینا کئچمه یه نائل اولور. 1944 - جو ایل ایون آیینین 31 - ده بورقودان کورسکایا اوچور و بو اونون سون اوچوشو اولور و بیر داها گئرییه قاییتمیر. محاربه ایللرینده آنتوان دو سنت اگزوپری اژزونون اوچ اثرینی چاپ ائتدیریر: «حربی پیلوت»، «گیروو گؤتورولموشه مکتوب» و «بالاجا شاهزاده».

هر ایکی پئشه نین - طیاره چیلیک و یازیچیلیغین فدایسی اولان آنتوان اگزوپری حیاتدا وورتوت 44 - ایل یاشامیشدی.

عزیز گؤزل سوی

مشخصات فنی بالاجا شاهزاده

مشخصات
ناشر
ناشر : پارلاق قلم
دسته بندی محصولات
مقالات مرتبط با محصول
مقاله مرتبط با این محصول وجود ندارد.
مرورگر شما بسیار قدیمی است!
جهت مشاهده این وب سایت به صورت صحیح، بروزرسانی مرورگرتان ضروری خواهد بود. بروزرسانی مرورگر
×