داستان سلیم جواهر فروش

داستان سلیم جواهر فروش

داستان سلیم جواهر فروش

وضعیت: ناموجود
پدیدآورنده: علی برازنده

داستان سلیم جواهر فروش

دوزلتدن و یئنیدن یازان: علی برازنده

ناشر: یاشار قلم تبریز

چاپ اول 1395

114 صفحه

شابک: 6-9-94697-600-978

 

علیق خط ایله 15 -17 سطرده 76 صفحه ده یازیلمیش کیتابین بیرینجی داستانی «سلیم جواهر فروش» دیر. باشلانیش بیرینجی و ایکینجی صفحه لر یارییا قدر یازیلاری دوشموش دور.  داستانین سونو «هر که خوانده دعا طمع دارم زانکه من بنده گنه کارم» بیت و 1245 تاریخی ایله قورتولموشدور. کیتابین «کاتبی حاج زین عابدین قاضی جهان دور، بنده نوشته است صاحبی محمد باقر» اولاراق وئریلمیش. 
190 ایل بوندان اول قلمه آلینان بو داستان بیر چوخ یوندن آراشدیرمایا لایق گورونور، میفولوژی، دیل، فولکلور و یازی قاعده لری بونلارین بیر سیراسی دیر.  بورادا تکجه داستاندا ماورای طبیعه حیوانلار و موجوداتی تانیدمایا چالیشیریق. گوروندویو کیمی داستانین بیرچوخ بولومو باشقا داستانلاردا عینی شکیلده گلمیش و یا اوخشارلیغی واردیر.   
همزاد: داستانا گوره، حجاج وزیرینین آروادی ایللر اونجه بیر آغاج آلتیندا بیر پری زاد ایله دوغلورلار. اوشاقلاری بیر آنادان سود امیب باجی قارداش اولورلار. پری زادین فرمان ایله وزیرین قیزی نه زمان داردا قالیرسا قارداشی همزادی، آغاج یاندیراراق چاغیریب و اوندان کمک آلا بیلیر. 
اوکوز و گوهر شب چراغ: سلیم جواهری داستانین اولینده دنیزدن چیخمیش بیر اوکوز گورور کی آغزیندا گوهر شب چراغ واردیر. سلیم بو گوهری اوکوزدن اوغورلایاراق، بودون کسیب اورادا گیزلدیر. 
نسناس :داستاندا سلیم میمونلار آداسینا دوشور و اورادا میمونلار شاهی ایله یاخینلاشمایا مجبور اولور. اوندان ایکی اوشاغی اولدوغو حالدا ایکیسیده میمون آناسی طرفیندن بیری آرسلانا و دیگری تندیره دوشورولوب اولدورولور. هر حالدا داستان سونوندا سلیم آدادان قاچیب، لاکین سونرالار آدایا دوندوغونده گورور اوشاقلاری دیری دیرلر. 
چیندیر قئیش آدام: ان اسکی زمانلاردان بیری خالق ایچینده چیندیر قئیش آدی ایله تانینان قوجا و یاشلی موجود، سلیم جواهری داستانیندادا گورونمکده دیر. بوتون داستانلاردا کی کیمی سلیم بیر کندین یاخینلیغیندا قوجا و یاشلی آداما راست گلیر و اورگی یانیب اونو کنده قدر داشیماق ایستیر. قوجا سلیمین بئلینه میندیکدن سونرا آیاقلارین اونون بئلینه دولاییب، سلیمی اوز قولو ائدیر. هر نه ایستیر سلیم امر ائدیب سلیم اطاعت ائتمدیگینده آیاقلاری ایله بیلین سیخیر و بیر جوالدوز ایله بوینونا وورور. سونوندا سلیم توپلادیغی میوه لردن قیرخ گونلوک شراب دوزلدیب، قوجایا وئریب، قوجا یوخلادیقدا اوندان قورتولور. 
پری: داستانین بیر چوخ یئیرنده پری و پری زاد واردیر. 
دئو: داستانین سون بولوملرینده سلیم، کوهولده یاشایان چوبانلیق ائدین بویوک بیر دئو ایله قارشیلاشیر. دئو آداملاری کندلردن توتوب بیر زمان سونرا اونلاری یئییردی. سلیم اونون الیندن قورتولماق اوچون قیزقین بیر دمیر ایله دئوین گوزلرین کور ائدیر. لاکین سلیم دئوین الیندن قورتولماق اوچون اوزون قویونلارین آراسیندا گیزلدیب سونرا قاچماغی باشاریر. 
قایناقلارا  گوره تورکجه «سلیم جواهری» داش باسما اولاراق قاجار دونمینده بیر دفعه 21*16.5 اندازه سینده 32 صفحه ده باسیلمیش دیر، نه یازیق کی بو قایناق تبریزین تربیت کیتابخاناسیا ده یرلی دوستوم رضا همراز ایله برابر گئتدییمیزده موجود اولمادیغینی گوردوک.

دسته بندی محصولات
مقالات مرتبط با محصول
مقاله مرتبط با این محصول وجود ندارد.
مرورگر شما بسیار قدیمی است!
جهت مشاهده این وب سایت به صورت صحیح، بروزرسانی مرورگرتان ضروری خواهد بود. بروزرسانی مرورگر
×