فرهنگ لغات ترکی (مقالید الترکیه)؛ تورکو سؤزلوگو

فرهنگ لغات ترکی (مقالید الترکیه)؛ تورکو سؤزلوگو

فرهنگ لغات ترکی (مقالید الترکیه)؛ تورکو سؤزلوگو

وضعیت: ناموجود
پدیدآورنده: بهبود مرادی (ائلچی بئی)

فرهنگ لغات ترکی (مقالید الترکیه)؛ تورکو سؤزلوگو(جلد گالینگور)

یازانی : میرزا فتحعلی خان قاجار (سپانلو)

کوچورن: بهبود مرادی ائلچی بئی

ناشر: انتشارات بخشایش

چاپ اول 1395

378 صفحه

شابک: 3-294-182-964-978

 

هر خالیقین گئچمیشدن قالان ال یازی سؤزلوک کیتابی اونون قیزیلدان قیمتلی اولان ثروتی سایلیر؛ دونیادا اولوس آراسی  هیچ بیر وارلیق سوز ثروتینه هله کی چاتانماییب؛ سوز اصلینده وارلیقین ترجمانیدیردئمکدیر؛ دوغورداندا یازی پوزو اولماسایدی دونن کی یاشایان اینسان اؤزلریندن قاباق کی یاشانلاری نجه تانییا بیلردیلر؛ نه یاخچی کی وارلیغین قاتیندا سؤزو یازی شعیر و اینجه صنت دولانیر؛ یوز ایللیکلر دؤنه – دؤنه سس سوراقلارینا گلجک نسیله چاتدیرانلار اصلینده اؤزلرین تاریخ بویو دیری سایخلایبلار. شوکورلر اولسون کی بیزیم ده ملی ثروتیمیزه تاریخا صاحاب دورانلاریمیز اولوب؛ کاشقارلی ماحمود بابامیزدان اوزو بری توتساق نئچه – نئچه آغیر حجیملی قیزیل وزنینده بیزیمده سؤزلوک (فرهنگ و لغت) کتابیمیز اولوب؛ بو اینجی لرین ایچینده مقالید الترکیه دئدیگیمیز پته خزینه سی دوغوردان بیزیم خالقیمیزین شخصیت وثیقه سی کیمین قلمه آلماق اولار. بو قیمتسیز اثری میرزه فتحعلی خان قاجار (سپانلو) آدلی بیزیم قاباقجیل کوکلوقایناقلی اولاق آتا بابادان یدی شاهلیقا چاتان قاجار سللاله سینه منسوبیتی اولدوقونا گره اوز خالقینا بورجونو اؤده مه اوچون بویوک مسئولیت بوینونا آلاراق بو کیتابی قمری تارخینان 1274 ایللردن باشلاییب 1280 ایلینده باشا یتیرمشدی؛ تخمینا بو سؤزلوگون ایچینده 8500 دنه تورکجه سؤزولوگو یازیلیب و اونون ایضاحاتی فارسجا وئریلمیشدیر. اصلینده بو سؤزلوک اینجه صنته باغلی اولان ناصرالدین شاه دئدیگیمیز اؤلکه باشیجی سی نین تاپریشیریغی عرفه سینده یازیلیب تاریخیمیزی ال – اله، اوجو – اوجا دوگون ووران میرزه فتحعلی خان قاجار حضرت امیر علیشیر نوایی نین آثارینا یازمیشدیر. او جور بیلیریک بؤیوک نوایی نین  آثارینا ایندی کیمین 16 کیتاب سؤزلوک یازیلیب و اونلارین سیراسیندا بو الیازیسی کیتاب آلتی یوزاللی یئددی صفحه ده منیم چاتاندا گؤی تانریسینا آلقیشیلار ائله ییب قوران واراقی کیمین اؤپوب گؤزومه قویاندان سونرا، اونو یئنی یازیلارا کؤچورمه گه وقت آییردیم؛ دیرلی اوخوجولاریما ایضاحات وئرمه لییم کی بو کیتابی من ایکی ایل عرضینده نئچه یول اوخویوب، یادداشت گؤتورندن سونرا 1393 ایلین یایین اون بئشینجی گونونده کؤچورمه یه باشلادیم. و بو گون کی 1394 جو ایلین یازین یئتمیش بیرینجی گونو سایلاندا، دوغروداندا بیر ایله یاخیندیر هر گون دؤرد ساهات بو کیتابین اوستونده ایشله ییب چاپا حاضیرلامیشام؛ امما هر ایشین گؤزللیگینه باخمایاراق میرزه فتحعلی خان قاجاریندا بو کیتابدا چوخلو ضعفلرین گؤروب او یانلیشلاری آرادان گؤتورمک اوچون گئجه – گوندوز چالیشمیشام تا سیز حؤرمتلی اوخولاریمیزین الینه عیبجرسیز بیر کیتاب ایتحاف ائله میش اولوم؛ گؤزه گلن ضعفلرین بیری بو چوخ سؤزجوکلری میرزه فتحعلی خان قاجار تکرار گتیرمک اوچون کیتابین قالینلیغی آتیرمیشدی. ایکینجی ضعف بو کی بعضی سؤزوجوکلرین ایضاحاتیندا چوخلی اشتباهلار ائله ییب آراسیرا گتیردیگی نمونه شعیرلری ده اؤزوندن آسیلی اولمایاراق وزنیشیز و یاخود معناسیز اولموشدی؛ من باجاردیغیما قدر چالیشدیم کی هامیسی نین ایضاحاتین وئریم؛ اوجورکی باشلانیشدا یازدیم بو سؤزلوک "مقالید الترکیه" بیزیم جاغاتای تورکجه میزده یازیلیب فارسجا ایضاحاتی گتیرمیشدیر؛ من ده یئری گلمیشکن آذربایجان بهجه سینده ایشله نن سؤزلریمیزی اصلی سؤزلرین قاباغیندا یازیب باجاردیقیم قدر آذاربایجان تورکجه سینده ایضاحاتلاریندا وئرمیشم، میرزه فتحعلی خان قاجارآرا – بیر سؤزجوکلرین فعللرینده دوز یازمایاندا من باجاردیقجا ال دولاندیریب اونلاری دا یولونا قویموشام،  اینسان چاشقین لیغی گونده لیک ایش اولاراق دییه بلکه منیم ده بو ایشده چوخلو قصورلاریم اولا بیلیر؛ بوتون اوخوجولاریمدان عوذر ایسته ییب بو چاتیشمامازلیغی منیم اؤزومه یورسونلار؛ یوخسا نه فتحعلی قاجاری نده اوندان قاباکی دونیاسین دییشمیش، یازی – پوزو عرفی سینده چالیشان اوزمانلاریمیزی تقصیرکار توتماق اولماز؛ هله لیک سؤزه سون قویوب سیزینله علاوه دن پایلاشماقا قدر حالاللاشیرام و سون تاپیشیریغیم بو کی اؤزوزو سئوین تا اؤزگه لری ده سئوه بیله سیز؛
1394 یازین 71
انزلی شهری – ائلچی 
 

دسته بندی محصولات
مقالات مرتبط با محصول
مقاله مرتبط با این محصول وجود ندارد.
مرورگر شما بسیار قدیمی است!
جهت مشاهده این وب سایت به صورت صحیح، بروزرسانی مرورگرتان ضروری خواهد بود. بروزرسانی مرورگر
×