گزیده شعرهای فارسی و ترکی معلم شاعر استاد محمد منزوی

گزیده شعرهای فارسی و ترکی معلم شاعر استاد محمد منزوی

گزیده شعرهای فارسی و ترکی معلم شاعر استاد محمد منزوی

وضعیت: موجود
پدیدآورنده: بهروز منزوی
قیمت:  
250,000ريال

گزیده شعرهای فارسی و ترکی معلم شاعر استاد محمد منزوی

به کوشش بهروز منزوی، علی محمد بیانی

با مقدمه حسین منزوی

ناشر: ساوالان ایگیدلری

بیرینجی چاپ 1398

178 صفحه

شابک: 7-04-6739-622-978

 

وطنیمیزین و ادبیاتیمیزین دلبر گوشه لریندن اولان، «خمسه» ولایتی، خصوصی له «زنگان» شهری، قدیم چاغ لاردان گونوموزه قدر، مدنیت قایناق لاریندان ساییلمیش و ایندی ده وار اونون سئویملی و محبت قاینادان تورپاغی و گؤزللیک لره جان باغیشلایان سولاری، اؤز مهربان و دوشونجه لی اوشاق لارینی بسله مکده دیر.
طبیعی کی بو تورپاغین انسان لاری هر بیر شئیه معنا وئریب، اؤز دوشونجه و مفکوره لرینی حیات ایله حرارت لندیریبلر. بو حرارتلی و چکیملی دوشونجه و دویغو دونیاسی، ادبیات و اؤزللیک له شعر ساحه سینده هر نه دن آرتیق جلالانیب و البته جلاللانیبدیر. بو جلا و جلالین ایچینده پارلایان لارین بیریسی، اوستاد «محمد منزوی» و اونون اثرلری دیر. شاعیرین بیزه میراث و امانت قالان سؤز یادگاری، هر زامان اوخونوب و فایدالامالی دیر. شاعیرین اثرلری تورکجه میزین گؤزللیک لرینی، ائلیمیزین نیسگیل لرینی و وطنیمیزین آمال – آرزی لارینی اؤز ابدی گوزگوسونده جلوه لندیررکن، گلجک تاریخیمیزده محکم و مبارک مدنیت سندی کیمی آلقیشلاناجاقدیر.
محمد منزوی، ادعاسیز، آما عمل ده گؤزل سؤز اینجی لرینی دوزن شاعیرلریمیزدن دیر. معلم لرین ایچینده شاعر آز اولماییب، آما دئمک لازیم دیر،  اوستاد محمد منزوی، معلم لرین شاعیرلری و شاعیرلرین معلمی دیر، بو مساله شهریمیزین معلم لرینه و شاعیرلرینه آز بیر افتخار دئییل.
شاعیرین شعرلرینده، قدیم زنگانلی لارین تورکانه طنز و طنازلیق روحیه سینی آیدینجاسینا گؤروروک. بو روحیه شاعیرین زامان قارشی سیندا و حیاتین عدالت سیزلیک لری نین برابرینده خیالسیز و طرف سیز دایانماق دئییل، بلکه اجتماعی دردلری، سؤز ایله داغلاییب، ظاهیرده گوله رک، ایچین ایچین آغلاماق دیر. محمد منزوی مدیر، ناظم، معلم و شاعیر کیمی بوتون آغری لاری، آلچاقلیق لاری، آرتیق – اسگیک لری گؤرور و درمان ائده بیلمه سه ده، درمان یول لارینی گؤسته ریر و البته کی بو ادبیاتین دوزگون وظیفه سی دیر. ادبیات، طبابت دئییل، بلکه گؤزتچی و دیده بان اولماق دیر. طبیب اؤز وظیفه سینی و گؤره وینی گؤرمورسه، ادبیات اونو افشا ائتمه گه البته حاقلی دیر.
اوست پاراگراف داکی سؤزون معناسی بو دئییل کی ادبیات گؤزللیک مساله سینی اونوتماغا مجبوردور، یوخ. ادبیات گؤزللیک، اینجه صنعت و هنر مساله سی دیر و البته کی «انسان» بونلارین هامی سینا هم غایت دیر هم مقتدا. بو ادعانی اثبات ائتمک اوچون، حورمتلی اوخوجولاردان، محمد منزوی نین بو دفترده گلن شعرلرینی دریندن اوخوماسینی طلب ائدیرم.
علی محمد بیانی – زنگان- یاز 1398
 

مشخصات فنی گزیده شعرهای فارسی و ترکی معلم شاعر استاد محمد منزوی

مشخصات
ناشر
ناشر : ساوالان ایگیدلری
دسته بندی محصولات
مقالات مرتبط با محصول
مقاله مرتبط با این محصول وجود ندارد.
مرورگر شما بسیار قدیمی است!
جهت مشاهده این وب سایت به صورت صحیح، بروزرسانی مرورگرتان ضروری خواهد بود. بروزرسانی مرورگر
×