نغمه لی سینمده یوز داستان یاتیر

نغمه لی سینمده یوز داستان یاتیر

نغمه لی سینمده یوز داستان یاتیر

وضعیت: موجود
پدیدآورنده: حسین ساراچلی
قیمت:  
1,300,000ريال

نغمه لی سینمده یوز داستان یاتیر

حسین ساراچلی

نشره حاضیرلایانی و رئداکتورو: موسی نبی اوغلو

کؤچورن و تصحیح : عیوض پورحسن

ناشر: آذر توران - نباتی

بیرینجی چاپ 1398

372 صفحه

شابک: 7-64-6063-622-978

 

حسین ساراچلی (حسین قوربان اوغلو حسنوو) 1916 - جی ایلده بورچالیدا ایندیکی گورجوستان رئسپوبلیکاسینین بولنیسی رایونونون ساراچلی کندیندهآنادان اولوب. ایلک دفعه اؤز کندلیسی عاشیق اسماعیل شاگردی اولوب، سونرا دؤورونون آزمان عاشیغی قوشچو ابراهیمدن بو صنعتین سیرلرینی اؤیره نیب، شاعر نبی و ساروان بایرام کیمی (هر ایکیسی بورچالینین فاخرالی کندیندندیر) گوجلو ساز سؤز خیریدارلارینین یانیندا تام پخته لشرک، کامیل ائل صنعتکارینا چئوریلیب.

عاشیق حسین ساراچلی گؤزل ساز چالیب اوخوماسی و شعر یازماسی ایله یاناشی، داستان دانیشماقدا آذربایجان عاشیق صنعتینده عوضسیز بیر اوستاد ایدی. عاشیق حسین ساراچلینین سؤیله دیگی بیر چوخ داستانلار لئنته یازیلاراق آذربایجان و گورجوستان رادیو و تئلئویزییا شرکتلرینین قیزیل بوندلاریندا ساخلانیلیر.

عاشیق صنعتینه عوضسیز حیدمتلرینه گؤره حسین ساراچلی گورجوستانین "امکدار مدنیت ایشچیسی" فخری آدینا لاییق گؤرولوب، عاشیق حسین ساراچلینین صنعتده اؤز دست خطی ایله سئچیلن 14 شاگردی اولوب، سونونجو شاگردی عاشیق سازبند کؤورک مراددیر.

عاشیق حسین ساراچلی 1987 - جی ایلده 71 - یاشیندا دونیاسینی دییشیب. دوغولدوغو ساراچلی کندینده بئ یؤیوک صنعتکارین بوسدو قویولوب. سینه سی سؤز خزینه سی اولان حسین ساراچلی همده بدیعی یارادیجیلیقلا مشغول اولور، عاشیق پوئزییاسینین مختلیف فورمالاریندا شعرلر قوشوردو. ساغلیغیندا کیتابی نشر اولونماسادا، اونون شعرلری، سؤیله دیگی داستان و قاراوللیلر 1992 - جی ایلده سلیمان افندی (سلیمانوو) طرفیندن نشره حاضیرلاناراق (شعرلر، سؤیلمه لر، باکی، یازیچی، 1992، 208 صفحه) نشر اولوندو. کیتابا پروفسور افلاطون ساراچلی اؤن سؤز یازیب. ائله سلیمان افندینین تشبوسو و یاخیندان اشتراکی ایله اؤلوموندن سونرا هر ایل آپرئل آیینین ایکینجی شنبه گونو ساراچلی کندینده اوستادین آنیم گونو کئچیریلدی. 2016 - جی ایل، سازینین لایلاسیندا نئچه - نئچه عاشیق بؤیودن، نئچه - نئچه شاعری خالقا تانیدان، انسانلارین قلبینده بیر صنعت آدلی سؤنمز ایشیق یاندیران، اورکلرین دوستو، کؤنوللرین مهمانی اولان عاشیق حسین ساراچلینین آنادان اولماسینین 100 ایللیک یوبلئیی ایلیدیر.

دسته بندی محصولات
مقالات مرتبط با محصول
مقاله مرتبط با این محصول وجود ندارد.
مرورگر شما بسیار قدیمی است!
جهت مشاهده این وب سایت به صورت صحیح، بروزرسانی مرورگرتان ضروری خواهد بود. بروزرسانی مرورگر
×