بجنورددان فولکلور نمونه لری

بجنورددان فولکلور نمونه لری

بجنورددان فولکلور نمونه لری

وضعیت: ناموجود
پدیدآورنده: سلطان تولو

بجنورددان فولکلور نمونه لری

یازان: دکتر سلطان تولو

کؤچوره ن: علی برازنده

ناشر: هاشمی سودمند

چاپ اول 1388

شابک: 9-91-8402-964-978

 

بو گون ایراندا دانیشیلان تورکمنجه، آذربایجان تورکجه سی و قاشقایجا حیاتدا قالما احتیمالی اومود وئریجی گؤرونسه ده، بونو خراسان تورکجه سی و گونشی اوغوزجانین بؤیوک بیر بولومو اوچون سؤیلمه مک چتین دیر. عینی حالدا خلج جه ده، 21. قرنین ایلک یاریسیندا تامامیله اورتادان قالخما خطری ایله اوزبه اوزدور. بونا گؤره، سون زامان لارا بو دیللری ثبت و ضبطی بیزیم اوچون علمی باخیمدان بؤیوک اؤنمی واردیر.

خراسان دا دانیشیلان تورک لهجه لری نین آراشدیریلماسینین اوستوندن اوتوز ایلدن چوخ بیر زامان کئچدی؛ لاکین، بو ساحه ده کی ایشلر چوخ محدود ایدی و بونلار یالنیز فدرال آلمانیادا، گؤتینگن، گورگ آوگوستا دانشگاهیدان داوام ائتدیریلمکده ایدی. خراسان تورکجه سی و فولکلور ماتریالاری اوستونده ایشلرین اسناسیندا، بو بؤلگه ده کی ناغیل لارین و داستانلارین معین دیلی علمی ایشلرله محدود قالماییب تورک اوخوجولارینا دا تانیدیلماسی لازیم اولدوغونو، بئله لیکله اونلاری تورک بیلیم دونیاسینا قازاندیریلاجاغینی دوشوندوم. بو آماجلا بو ایشی حاظیرلادیم. البته، بو سئچمه لر هامیسینی خراسان تورکلرینه عایید ائلمک اولماز؛ قالدی کی بونلارین ایراندا یاشایان ده ییشیک خالقلارین و دیگر اؤلکه لرین فرهنگلری تاثیری آلتیندا قالمیش اولمالاری گؤزدن ایراق اولمامالی دیر. بورادا بیزیم اوچون اؤنملی و اساس اولان، بونلارین، خراسان دا یئرلی تورکجه ایله دئیلمیش و یازییا کئچیریلمیش اولمالاری ایدی. بونا گؤره، الینیزده کی ایشده اولان اوریژینال و گئرچک ییغمالار، اصلینه صادق قالیناراق آذربایجان (تورکیه) تورکجه سینه چئوریلدی. کیتابیمیز اولجه تورکولوژی آلانی ایله ماراقلانان بولومه و آراشدیرماجیلار اوچون وئریلیب.

الیمیزده کی ایش اوچ بولومدن اورتایا گلمکده دیر: بیرینجی بؤلوم "گیریش"؛ ایکینجی بؤلوم "متن لر و چئویری لر"؛ اوچونجو بؤلوم "آک لر". ایکینجی بؤلومده متن لر و چئویریلری بیربیرینین آردیندان وئریلیب.

اثرده تورک دیل قورومونون یایملادیغی املا قیلاووزو و تورکجه لغت ین دن فایدالانیب. آیریجا پروفسور. دوکتور زینب قورخمازین قیرامئر تئریملری ایشله دیلمیش دیر.

بو چالیشما ایله باغلی متنلرده ایشلمه ده اساس تشکیل ائدن باشدا مرحوم اوستاد پروفسور. دوکتور گئرهارد دورفره؛ بو سئچمه لرین اورتایا چیخماسیندا امک وئرن سزابولد فازسی یه بورادا غیابا تشکور ائتمک ایستیرم. ایشین سون مرحله سینده بیر رئداکتور گؤزویله اونو باشدان سونا آراشدیرما زحمتینه دؤزه ن همکاریم ه. آ. چیچک؛ ترجومه تکنیکیندن فایدالاندیغیم حؤرمتلی همکاریم و اوستادیم توران آلپ تکین و دوزلنمه لری اوچون مصطفی سئور و فاطمه شاهان، کیتابیمین چاپیندا وئردیکلری امک اوچون اورون نشریاتی نشر رئداکتورو حؤرمتلی متین توران تشکورلریمی بیلدیررم.

 

مرسین، آوریل 2001-موغلا،2005

دوکتور سلطان تولو

موغلا دانشگاهنین اؤیره تیم اویه سی و پروفسورو

دسته بندی محصولات
مقالات مرتبط با محصول
مقاله مرتبط با این محصول وجود ندارد.
مرورگر شما بسیار قدیمی است!
جهت مشاهده این وب سایت به صورت صحیح، بروزرسانی مرورگرتان ضروری خواهد بود. بروزرسانی مرورگر
×