آرزولارین یئنی گولشان باغی

آرزولارین یئنی گولشان باغی

آرزولارین یئنی گولشان باغی

وضعیت: ناموجود
پدیدآورنده: سوسن نواده رضی

آرزولارین یئنی گولشان باغی

(ائلیار- پری داستانی)

یازالار: سوسن نواده رضی، ا.ح علیار

ناشر: اکبر حمیدی علیار

بیرینجی چاپ 1392

204 صفحه

شابک: 0-9482-04-964-978

 

آذربایجان شعری همیشه توپلومسال قونولارا توخونوب گئنل کوتله نین آغری، آجیلارینی عکس ائتدییینه گؤره، ایلک اؤنجه خلق طرفیندن دیه رلندیریلیب، سئویلیب، یاشادیلیب، ائله بوناگؤره ده بوگونه قده ر گله نکسل چرچیوه لردن چیخا بیلمه ییب، بعضی لر بونو شعر و ادبیاتیمیزین گئری قالماسی کیمی آلقیلاییرلار، البته بو آذربایجان شعری نین یئنی لیکلره قارشی چیخماسی دئمک دئییل، اؤتن 100 ایلدن بری یئنی شعر آذربایجاندا کلاسیک شعر ایله چییین - چییینه گلیب، اوخوجولار ایسه دردلرینی، اوره ک سیزیلتی لارینی هر بیر شعرده گؤردوکده - کلاسیک یا دا سربست لییینه باخمایاراق - اونو منیمسه ییبلر، آنجاق سون 20 ایلده سربست شعرین پایی آغیر لیق ائدیب، مودئرنیزم، پوست مودئرنیزمه جان آتان شاعرلرین سایی گونو-گوندن آرتیب، بیر چوخ تنقیدچی لر بو گئدیشه، بو آخینا اولومولو باخاراق، شعریمیزین هله ده گله نکده، کلاسیک بیچیملرده ایلیشیب قالماسینی اوزگونلوکله وورغولاییرلار، آنجاق هامیسی بیرلیکده، یئنی لییی تکجه قالبلری سویوب آتماقدا یوخ، بلکه ایچه ریکلری یئنیله مکده بیلیرلر، بئله لیکله وزندن، قافیه دن قاچماق یئنی لیک، وزنه، قافیه یه ماراق گؤسترمک ایسه گئری قالماق آنلامیندا اولا بیلمز.

یوخاریداکی آخار-باخاردان آسیلی اولاراق کئچن ایلین (1390-نجی ایلین) سون آیلاریندان، اتفاق اوزره بیر نئچه غزلین یازیلیب وئب صحیفه لرینده چوخلو یازارلار و یئنی شاعرلر طرفیندن سئویلمه سی، بعضا ده قینانماسی! بیزده، آذربایجان کلاسیک و سربست فورمالاریندان بیر توپلودا اؤرنک لر وئریب بیر داها اوخوجولارین و نظر صاحب لری نین طرفیندن نئجه قارشیلاناجاغینی سیناماق دویغوسونو اویالتدی، تزه جه باشلاییب بیر-ایکی شعر یازدیقدان سونرا، بو ایشی گونجل بیر حکایه ایله قاریشیق داوام ائتدیرمه ییمیزی دوشوندوک، ایره لی گئتدیکجه رئال اولایلاری، اؤته کسل گئرچکلری، مذهبی - ملی دوشونجه لری، فولکلوریک اینجه لیکلری، دیل اولاناقلارینی، ساتیریک احوال-روحیه نی ده قاتقی وئریب ائلیار-پری داستانینی (یئپ- یئنی بیر دویئت، پییئس یا همن اسکی دئییشمه سایاغی) یاراتدیق، بو ایش بیر ایله یاخین چکدی... قالان سؤز - صحبتی سایین اوخوجولاردان، اؤزللیکله ده سایین تنقیدچی لریمیزدن گؤزله ییریک ... بو سیز بو دا ائلیار ایلا پری!

 

درین سایغی ایلا

س.ن.رضی - ا.ح.علیار

کیچیک چیلله / 1391

دسته بندی محصولات
مقالات مرتبط با محصول
مقاله مرتبط با این محصول وجود ندارد.
مرورگر شما بسیار قدیمی است!
جهت مشاهده این وب سایت به صورت صحیح، بروزرسانی مرورگرتان ضروری خواهد بود. بروزرسانی مرورگر
×