دسته بندی محصولات
معیارهای جستجو
ارائه کنندگان

اسماعیل مددی (اولکر)

اسماعیل مددی ۱۳۴۸-نجی ایل مرداد آیی‌نین 17-سینده گونئی آذربایجانین اورمیه شهرینده اورتا حاللی بیر عایله‌ده دونیایا گؤز آچدی. مرحوم آتاسی سیف‌الله، عدلیه (دادگستری) کارمندی ایدی. آناسی نصرت خانیم ایسه ائوخانیمی‌دیر. او، ایلک، اورتا و متوسطه درسلرینی اورمیه‌نین "وزیری"، "آزادی" . "۱۳آبان" اوخوللاریندا بیتیردی. ۱۳۶۴-نجو ایلده بیناب اونیورسیته‌سینده فارس دیلی و ادبیاتی بؤلومونه گیردی و ۱۳۷۱-ده ماذون اولدو.

۱۳۷۸-نجی ایلده تورکیه‌یه گئده‌رک، آنکارا غازی اونیورسیته‌سینده تؤمر (تورکجه یابانجی دیل اؤیره‌نیم، آراشدیرما و اویغولاما مرکزی) دیپلوماسینی آلدی. ۱۳۷۹-دا ایزمیر ائگه اونیورسیته‌سینی قازاندی و "تورک دیلی و ادبیاتی" بؤلومو "تورک لهجه‌لری و ادبیاتلاری" آنا بیلیم دالیندان یوکسک لیسانس آلدی. ۱۳۸۲-ده پرفسوردکتر یاووز آک‌پینار دانیشمانلیغی ایله یازدیغی ماراقلی شاعیریمیز "بولود قاراچورلو سهندین حیاتی و اثرلری اوزه‌ره بیر آراشدیرما" آدلی تزینی پرفسوردکتر رضا فیلیزاوکف پرفسوردکتر عمر فاروک هویوگؤزل، پرفسور دکتر اسماعیل آکادان اولوشان ژوری قارشیسیندا مۆدافیعه ائتدی. ۱۳۸۵-ده باکی خزر اونیورسیته‌سینده پرفسور دکتر هاملت عیسی خانلینین علمی رهبرلییی ایله آذربایجان دیلی(تورکجه‌سی) و ادبیاتی بؤلومونون دکترا درسلرینی کئچیردی. ۱۳۸۷-ده "مشروطیتدن گونوموزه قدر گونئی آذربایجان سربست شعر گلیشیمی" آدلی دوکتورا تئزینی مۆدافیعه ائتدی.

اولکر متوسطه طلبه‌سی ایکن ۱۳۶۳-نجو ایلدن موختلیف تورکجه هجا قالیبینده و اؤزونه خاص سربست فورمدا شعر سؤیله‌مه‌یه باشلادی.

اسماعیل مددی ایندیلیکده اورمیه‌ده یاشاییر. "اورمیه ادبیات فاکولته سی"، "اورمیه صنعتی دانشگاهی" و "نازلی اونیوئرسیته سی"نده 2 کرئدیتلیک آذربایجان تورکجه سینی ایلک اولاراق اوخودان شخصدیر. تبریزده آذربایجان و استانبول تورکجه‌سی درسلرینی و اؤزل درسخاناسیندا ( TÖMER / تؤمر / ALES - SÖZEL / آلئس - سؤزل ) درسلرینی اوخوتماقلا مشغولدور. گنللیکله تورکجه کتابلار یایان "اولکر یایین ائوی"نین مودورودور. ائولیدیر و "آراز" و "ائل‌آی" آدلاریندا بیر اوْغلو و بیر قیزی وار.
اثرلری
1- گونش تونقالی، یالقیز بیتگی (۱۳۷۲)شعرلر توپلوسو 2- بویور آددیم آت(۱۳۷۷) شعرلر توپلوسو 3- بیر سالخیم دان یئلی(۱۳۸۳) شعرلر توپلوسو 4- سئودا یولدایمیش - بیرینجی باسقی (۱۳۸۶) - اورمیه - شعرلر توپلوسو - ایکینجی باسقی باکی - قانون نشریاتی 5- منی باشدان یارادانا (بیرینجی باسقی: 2013 /استکهلم - سوئد) و ایکینجی باسقی (1392) اورمیه - شعر توپلوسو 6- آداقلاریم (1396) شعر توپلوسو - 7- قوجا (ماللا) نصرالدین اورمودا (مللا نصر الدینین آذربایجان تورکجه سینه اویارلانمیش فیکرالاری) 8- اورمیه شعر آنتولوژیسی (اورمیه شهری و گؤلو ایله ایلگیلی سؤیلنمیش اولان شعرلردن سئچمه لر /بیرینجی جیلد 9- ماسقالی کوفته (اوزئییر گوندوز) کؤچورمه 10- کیتابخانایا دوشن اؤکوز (اوزئییر گوندوز) کؤچورمه 11- پریمو تورک اوشاغی (عؤمر سیف الدین) کؤچورمه 12- کؤتوک (عؤمر سیف الدین) کؤچورمه 13- آداقلاریم (کلاسیک آغیرلیقلی شعر توپلوسو (1396) و س. 1398-جی ایلین آذر آییندا شاعیزین "آداقلاریم" آدلی کیتابی استان چاپیندا "شعر ژانریندا (ایلین کیتابی) اولاراق سئچیلمیش و اؤدول قارانمیشدیر.14- اولکرین "بالدیران ایله بال" آدلی یئنی شعر کیتابی "فرسار یایینلاری" طرفیندن و 15- "اورمیه شعر آنتولوژیسی (2-نجی جیلد) آدلی کیتابی چاپا حاضیرلانماقدادیر.

مرورگر شما بسیار قدیمی است!
جهت مشاهده این وب سایت به صورت صحیح، بروزرسانی مرورگرتان ضروری خواهد بود. بروزرسانی مرورگر
×