دسته بندی محصولات
فیلتر براساس قیمت
از:
ريال
تا:
ريال
معیارهای جستجو
ارائه کنندگان

سعید موغانلی

سعید موغانلی، 1353- گونش ایلینده موغاندا آنادان اولوبدور.   
ايلک تحصيلاتينى اوردا باشا چاتديريب، داها سونرا قم و تهران شهرلرينده 10ايله ياخين اسلامى بيليک‌لر (فقه و علوم اسلامی) اوخوموشدور. همن ايللرده شعره و یازیچیلیغا باشلاييب و بيرينجى شعر و مقاله‌سى او دؤورون کیهان مؤسسه‌سینده بوراخیلان  يول درگي‌سينده و داها سونرالار اردبیلده بوراخیلان تماشای زندگی و  وارليق ژورناليندا نشر اولموشدور.
80- اون ایلین اول‌لریندن باشلایاراق ياشماق ادبى يايين ائوينى (درگى و سيرا کيتاب‌لارينى- 28-2-85) ياخين دوستلارى و فکرداشلاری ايلا بيرگه يولا سالیبدیلار. 
ادبی-بدیعی- اجتماعی يارپاق قزئتي‌نين يارديمچى‌سى (يارپاق يازيچى‌لار شوراسينين صدرى) اولموش (اوچونجو سايی‌دان سونا بير سايي قالانا قدر). (1383-85) و اوردا اثرلرینین نشریله بیرلیکده گنج یازیچی یاشیدلارینا تریبون امکانی یاراتمیشدیر.
گونش ادبى-بديعى درگيسينى ياراتميش (دؤرد سایی نشر اولوب)، ديلماج درگيسى‌ين ادبى بؤلومونون مسئولو، بيرليک ادبى درگيسى‌نين يارديمچى‌سى اولوب و همن ایللرده  (80جی اون ایل) امکداشلاری ایله بیرگه سوناى ادبى (حئکایه) فستيوالى و آذربایجان کيتاب‌لار کيتابى فستيوالي‌نين تملينى قويوب، يولا سالميشلار.
ايندى‌يه کيمى 200دن چوخ آذربایجان محیطینده کيتاب و 5-6 قزئت نشرينده امکداشليق ائتميشدير...
نشر ائتدیی اثرلر، چوخونلوق سیراسی ایله، شعر، اوسطوره، ناغیل، رومان، حئکایه، تاریخ، نمایشنامه و... اولوب. 
سعيد موغانلى‌دان قوجاغين امنيت، گؤزون تروريست آدلى شعر کتابى و CDسى يايينلانيب و 1393ده آذربايجان يازيچي‌لار بيرلييي طرفيندن صمد بهرنگى ادبى اؤدولونو قازانميشدير.
1387-جی ایلده تبریزده حیدربابا نشریه‌سی و مؤسسه‌سی طرفیندن برپا ائدیلن آذربایجان سئچگین‌لری و یازیچی-شاعرلری ایچینده‌، ان چالیشقان گنج سئچیلیب. 
70-جی اون ایلللین سونلاریندا تهراندا چالیشان آذربایجان بیلی‌یوردلولار توپلومو (مجمع دانشگاهیان آذربایجانی) طرفیندن قورولان آذربایجان سئچگین‌لر فستیوالیندا، گنج شاعر کیمی بیرینجی یئری قازانیب و لاییقلی اؤدول ایله مکافاتلاندیریلمیشدیر.
80-جی اون ایللین اورتالاریندا تبریزده قورولان قیزیل آلما شعر فستیوالینین بیرینجی رتبه‌سینی قازانیب. 
نشر ائتدیی اثرلرین ایچینده آذربایجان و تورکیه شاعر و یازیچی‌لاریندان اولان تانینمیش اثرلر و یازارلار خصوصی اهمیته مالکدیر.
وورغولاماسی یئرینه دوشردی کی، حؤرمتلی آراشدیریجی و شاعرین ایرانین تورکجه یازان تانینمیش و بؤیوک شاعر-یازیچی‌لاریندان نشر ائتدییی اثرلر دؤنه‌لرله آذربایجان  و تورکیه جمهوریتی اونیوئرسیته‌لرینده تقدیره لاییق گؤرولوب و آلقیشلانمیشدیر.
اؤرنک اولاراق، سایین موغانلی‌نین ایکی ایل چالیشماسی نتیجه‌سینده بولود قاراچورلو (سهند)ین توپلانمیش و تهراندا افکار انتشاراتی امکداشلیغی ایله یایینلانمیش (قارداش آندی) بوتون شعرلر، هابئله اوستاد ساهرین بیر سیرا چاپ اولمامیش و سئچیلمیش شعرلر و حئکایه‌لری، علیرضا اوختای‌یین ایشیق آدلی بوتون شعرلری، غلامحسین ساعدی‌نین تکجه تورکجه اثری اولان قوردلار نمایشنامه‌سی، محمد بی‌ریانین هر آددیمدا مزاریم وار آدلی بوتون اثرلری (اسلام غریبلی) نسخه‌سی، اوچ عنوان آذربایجان معاصر شعر آنتولوژیسی، اوچ جیلد غزل آنتولوژیسی (صالح سجادی ایله بیرلیکده)، ویلیام شکسپیرین نمایشنامه‌لری، گیل‌گمیش حماسه‌سی، اورحان ولی‌نین بوتون شعرلری ایکی جلد، آنار رضا، رامیز روشن، بختیار، واقیف صمداوغلو، راسیم قاراجا، آفاق مسعود و ...دن رومان‌لار- شعر توپلولاری، آذربایجان موسیقی‌سی گنجینه‌سی و بیر سیرا گنج شاعر -یازیچی‌لاردان اثرلر نشر ائتمک بو شاعر و ژورنالیست دوستوموزون سادالاماسی قورتارمایان ایش‌لریندن ساییلیر.

مرورگر شما بسیار قدیمی است!
جهت مشاهده این وب سایت به صورت صحیح، بروزرسانی مرورگرتان ضروری خواهد بود. بروزرسانی مرورگر
×