من «آنا» دئینده

کریم مشروطه چی
ناشر: «سؤنمز»
قیش 1395
120 صفحه

ایچینده کی لر
اؤن سؤز یئریئرینه
قانلی شهریم
کیمین یئلپیگی لن بو اود یئل له نیر
من «آنا» دئینده

اوچونجو گؤز
اؤن سؤز یئرینه
باشلانغیج
حاجی لئیلک
یئنی دونیا
کشیشین فتواسی
میسیونرلرین رولو
اوچونجو گؤز
بونو دا اؤزوموز گؤزدوک
انقلاب شهیدی نین هارایی
سؤن سؤز

شعریم
شعریم سئوینر روحلاری خوشلاندیرا بیلسه
هر لحظه حیاتی تزه باشلاندیرا بیلسه
درددن اوزولن خسته نی آرام ائله یینجه
لای لای دئییب، آهسته جه هوشلاندیرا بیلسه
سن چئوره ده بوش سؤزلره، اووسونلارا اویسان 
نعره یله سنی، قور کیمی داشلاندیرا بیلسه
انسان اورَگیندن سیله رک کینه غبارین
سئوگی له باریش دویغوسو آشلاندیرا بیلسه
فطرتده محال اولسادا – اؤز خارقه سی له –
قوردون دییشیب ذاتینی، قوشلاندیرا بیلسه
گؤزسه نه قدر چوخدو یالاشدان یاشایانلار
همتله یاشالاری دووشلاندیرا بیلسه 
چاقیشدریب اضدادی حقیقت سوراغیندا
هر آغ یالانی صدق ایله توشلاندیرا بیلسه
پاک آرزیلار اوغروندا کوتان برکه دوشنده
شوم تورپاغی نین برکینی بوشلاندیرا بیلسه
حقه قووشان یوللارا «سؤنمز» سو چیلردی
اؤز گؤزلرینی صدق ایله یاشلاندیرا بیلسه
آذر 1384