عیسانین سون شامی

عیسانین سون شامی

عیسانین سون شامی

وضعیت: موجود
پدیدآورنده: کریم مشروطه چی
قیمت:  
300,000ريال

عیسانین سون شامی

کریم مشروطه چی

ناشر : سؤنمز

70 صفحه

شابک: x-38-6741-964

چاپ اول: تبریز 1358

چاپ دوم: تهران 1380

چاپ سوم: تهران 1395

 

حیرت

ایکی «من» یاشاییر منیم ایچیمده

«من» لرین هره سی باشقا بیچیمده

 

یو تصدیق ائدنی، او انکار ائدیر

بونون داندیغی نی، او اقرار ائدیر

 

بیری توت! دئینده، بیری آت! دئییر

بیری دور! دئینده، بیری یات! دئییر

 

بیری گئت! دئینده، بیری گل! دئییر

بو، اویو! دئینده، او دیرچل! دئییر

 

ایکی «من» دایما دوروشماقدادیر

او بونلا، بو اونلا ووروشماقدادیر

 

«من» لرین هره سی اؤز جبهه سینده

اینام لا دورسالار سؤز جبهه سینده

 

اونلارین حالینا دوزمگه نه وار

نه اولدوقلارینی سئزمگه نه وار

 

من ادراک ائدنده هر ایکی «من» ی

باشقا بیر مساله سارسیدیر منی

 

دئینده «من» لرین هانکی سی منم

اوبیرسی سانیر کی، اونا دشمنم

 

بو «من» لر ایچیمده قاچ ها قاچدادیر

بیری باشقاسی لن گیزلن پاچدادیر

 

ایکی «من» قووارکن بیری بیرینی

بو اونون، او بونون توتور یئرینی

 

دونن یوخ! دئین «من» بوگون هن! دئییر

منه سینه گریب، منم! من! دئییر

 

گلیرم، گل! دئین سؤزون ده ییشیر

گئدیرم، گئت! دئین اؤزون ده ییشیر

 

بو غریب وادی ده حیرتده یم من

اؤزوم واحد ایکن، کثرتده یم من

 

تضادلی بو عالم سارسیتدی منی

گؤرونمز اود-آلوو قارسیتدی منی

 

الهی، رحم ائله، گل توت الیمدن

ائشیت بو هارایی سوسقون دیلیمدن

 

هلاک ائت اؤزومده اؤز دشمنیمی

باریشدیر من ایله اصیل «منیمی»

 

قورتار بو اوزوجو کثرتدن منی

مست ائله شراب وحدتدن منی

 

قوی گولسون باغ منه، یا چمن منه

مسلط اولماسین نئچه «من» منه

 

دسته بندی محصولات
مقالات مرتبط با محصول
مقاله مرتبط با این محصول وجود ندارد.
مرورگر شما بسیار قدیمی است!
جهت مشاهده این وب سایت به صورت صحیح، بروزرسانی مرورگرتان ضروری خواهد بود. بروزرسانی مرورگر
×