آتالار سؤزو

آتالار سؤزو

آتالار سؤزو

وضعیت: موجود
پدیدآورنده: پریسا داداشپور
قیمت:  
$12.00

آتالار سؤزوا

حاضیرلایان: پریسا داداش پور

ناشر: پارلاق قلم

چاپ نخستین 1397

402 صفحه

شابک: 4-37-8895-600-978

 

خالق پوئزییاسی نین ان اسکی ژانرینا عاید ائدیلن آتالار سؤزلری نین مثللردن تام عاید ائدیله بیلمه یه جک قدر یاخینلیغی دفعه لرجه قئید اولونوبدور. یعنی اصلینده آتالار سؤزلری ایله مثللرین فرقینی گؤسترمک، آرالاریندا کسکین حد چکمک مومکون دئییل. بعضیلری بونو آتالار سؤزو و مثللرین بیر - بیرینه بنزه مه سینده، بعضیلری ده آتالار سؤزلری ایله باغلی میئله گئنیش آراشدیریلماماسیندا گؤرورلر.

اسکی تورکجه ده بیر سیرا معنالارییلا برابر اجدادلاردان قالما اؤیودلر آتالار سؤزو، مثل آنلامی بیلدیردییی فاکتی «دیوان الغات الترک»ده ده قئیده آلینان «ساو» اصطلاحی اولموشدور کی، بللی بیر اؤلچوده چاغداش علمی - نظری فیکرده کی «پارئمی(یا)» آنلاییشییلا اویغون گلیر. تورک دیللرینده، آیدیندیر کی، همین «ساو»لا یاناشی معین دؤوردن اعتبارا عربین «مثل» سؤزو ده ایشلنمیش، جمعده کی «امثال» شکلییله معناجا «آتالار سؤزو» مفهومونا دوغرو ( «امثال تورکانه») - تورک آتالار سؤزلری) گئنیشله یرک ادبی دیله، همچنین خالق دیلینه کئچمیشدیر. اونا گؤره ده گویا باشفا - باشقا آنلاییشلارمیش کیمی آتالار سؤزو ایله مثللرین معناجا آیریلدیغینی، فورما، معنا و مضمونجا بیر - بیری نین عینی اولمادیقلارینی ادعا ائتمکله اونلاری قارشیلاشدیرماق یانلیش یولدور.

بیر چوخ تدقیقاتچیلار «سون درجه اینجه و چتینلیکه سئزیله بیلن خصوصیتلر» دئدیکلری همین «فرقلری» سانکی وارمیش کیمی بو پارئمیک واحدلرین قرامماتیک قورولوشوندا آختارمیش، مثللری سؤز و بیرلشمه علاوه ائله مکله آتالار سؤزلرینه چئویرمه یین مومکونلویوندن دانیشمیشلار، «مثل ین موستقیللیک وظیفه سی او قدر ده گوجلو دئییل»، «آتالار سؤزو مجازی معنایا مالیک اولدوغو حالدا مثللر بوندان محرومدور»، گویا «شرحه احتیاجی اولماییب واضح لیکدن اوزاق و شرایطله باغلانمایان آتالار سؤزلرینه نیسبتده مثللر فیکری تام ایفاده ائتمک کیمی معین هدف گودورلر؛ همین مثللردیر کی، یاراندیقلاری احوالاتلارلا باغلیلیقلاری اونودولدوقجا آتالار سؤزلرینه چئوریلیرلر»و بو کیمی قصورلو فیکرلر ایره لی سورموشلر. مثلین باشا گلمیش هانسیسا بیر حادثه ایله باغلی خالق آراسیندا دولاشان، لاکین هله آتالار سؤزو شکلی آلمایان سلیس، قیسا دانیشیق اولدوغو بئله دئییلمیش، بیر سؤز ارتیریب اسکیلتمکله گویا آتالار سؤزو و مثللریندن بیری نین دیگرینه کئچه بیلدییی شکلینده قناعتلر ده سسلنمیشدیر...

مشخصات فنی آتالار سؤزو

مشخصات
ناشر
ناشر : پارلاق قلم
دسته بندی محصولات
مقالات مرتبط با محصول
مقاله مرتبط با این محصول وجود ندارد.
مرورگر شما بسیار قدیمی است!
جهت مشاهده این وب سایت به صورت صحیح، بروزرسانی مرورگرتان ضروری خواهد بود. بروزرسانی مرورگر
×