دؤردمونجوسو یولدادیر

معاصر ایران آذربایجان رمانی

صمد رحمانی خیاوی

ناشر: نشر اختر

چاپ دوم 1398

224 صفحه

شابک: 7-609-517-964-978

... مئییدلری دفن ائلمک ایسته ینده خضر پیغمبر گلیب چیخدی، برکدن دئدی:

- چکیلین کنارا، بو عاشیق - معشوق نه گناهین صاحیبیدی کی، بولاری دیری - دیری دفن ائدیرسیز. دئدیلر :

- آی جانیم، نه دانیشیرسان، بولار اوچ گوندور کی، اؤلوبلر.

خضر ـرزی ایله قنبرین مئییدلری نین لاپ یانلارینا گلدی، دئدی:

- ای عاشیق، معشوق، یوخویا قالیبسوز. داها یاتدوغوز بسدی، قالخین آیاغا.

سؤز آغزیندان قورتاران کیمی آرزی ایله قنبر آسقیریب آیاغا قالخدیلار، خضردا غیبه چکیلدی.

حقیقی سئوگیلی لری بیر - بیریندن آییرماغین گناه اولدوغونو هامی آنلادی. تاجره و قارییا لعنت اوخودولار.

مئییدلرینی ایتلره آتدیلار. آرزی نین دده سی - ننه سی ده توتدوغو ایشلردن پئشمان اولدولار. آرزی ایله قنبره قیرخ گون، قیرح گئجه توی ائله دیلر. او گوندن آرزی ایله قنبر خوش گونلر کئچیرمه یه باشلادیلار، مراد حاصل ائله دیر. او گون اولسون کی، بیز ده مرادیمیزا یئتیشک ...