شعر فورمالاری

حاضیرلایان: اوستاد عاشیق حسین ساعی

ناشر: ییلاق قلم

چاپ اول 1397

96 صفحه

شابک: 2-57-6286-622-978

عاشیق یارادیجیلیغی تاریخاً اوزانچیلیغین وارثی اولوب، شفاهی شکلده یارانیب یاییلان سؤز صنعتیدیر. عاشیق شعرینی خالق یارادیجیلیغی نین ترکیب حصه سی اولدوغونو گؤسترن بیر نئچه دلیل وار:

1- عاشیق شعری شفاهی شکلده یارانیر، جانلی دانیشیق دیلینه اساسلانیر.

2- عاشیق شعری خالق شعر شکللرینه، اونون پوئتیک اؤلچولرینه اساساً یارانیب.

3- عاشیق فولکلور یارادیجیلیغی سیستمینده فردی یئرینه یئتیریر.

آما شفاهی خالق یارادیجیلیغی نین دیگر ساحه لریندن فرقلی اولاراق، عاشیق ادبیاتی نمونه لری نین، خصوصا ده عاشیق شعری نین مولیفی، اساساً، بئللی اولور.

مختلف دورلرده عاشیقلار "آتا"، "دده"، "اوزان"، "یانشاق"،"وارساق" کیمی آدلار داشیمیشلار. اعتباریله عاشیق صنعتی موسیقی، شعر و رقص کیمی مختلف یارادیجیلیق نوعلرینی بیرلشدیریر. عاشیقلار ایکی اساس قروپا بؤلونور: استاد (یارادیجی) عاشیقلار و ایفاچی عاشیقلار. استاد عاشیقلار عاشیق شعریندا و داستان یارادیجیلیغیندا مولیف قسمینده اشتراک ائدیرلرسه، ایفاچی عاشیقلار استادلارین اثرلرینی یوکسک سویه ده ایفا ائتمکله مشغول اولورلار. دیریلی قربانی، عباس توفارقانلی، ساری عاشیق، خسته قاسیم، عاشیق آلی، عاشیق علعسگر، عاشیق شمشیر، حسین بوزالقانلی، عاشیق حسین جاوان، میکاییل آزافلی، عاشیق پناه و س. استاد عاشیقلاردیر. عاشیق کاماندار، عاشیق حسین ساراجلی، عاشیق عدالت و س. ایفاچی عاشیقلاردیر.