بیر تلخه یین دوشونجه لری

هاینریش بل

چئویرن: ویلایت حاجی یئو

حاضیرلایان: یاسین قربانی

ناشر: انتشارات پارلاق قلم

392 صفحه

بیرینجی چاپ 1399

شابک: 8-09-6993-622-978

نوبل مکافاتی لاورئاتی هاینریش بل (1917-1985) دنیا ادبیاتیندا داها چوخ ایری حجملی رمانلار مولفی کیمی تانینسا دا، «ان چوخ سئودییی ان جاذبه دار نثر فورماسی» حساب ائتدییی حکایه ژانریندا دا گؤزل نمونه لر یاراتمیش دیر. یازیچی بو «کیچیک» ژانرین بؤیوک امکانلاریندان اوستالیقلا استفاده ائدرک یاشادیغی دورون، داها دقیق دئسک، 20-جی عصر انسانینی ان چوخ دوشوندورون ایکی مشکلی - محاربه و اجتماعی - سوسیال مشکل لری اؤن نقشه یه چکمیشدی. بو حکایه لرده اؤزونون «یادداشیندا ابدی اولاراق دهشتلی، قانلی بیر اؤلوم ماشینی کیمی قالان» محاربه پروسئسینین اؤز دئییل، اساسا، اونون تؤرتدییی نتیجه لر، انسانی هم فیزیکی، هم ده معنوی جهتدن نئجه شکست ائتدییی تصویر اولونور. اجتماعی - سیاسی موتیولرده یازیلان حکایه لر ایسه بیر نوع اونلاری تاماملاییر، داها دوغروسو، محاربه نین شکست ائتدییی بو انسان لارین سوسیال حیاتدا - جمعیتده قارشیلاشدیقلاری آمانسیز چتین لیکلر، عدالت سیزلیک لر تصویر اوبیئکتینه چئوریلیر. لاکن بوتون بو آغری - آجیلارا باخمایاراق اونون قهرمان لاری امیدسیزلییه قاپیلمیر، مایوسلوق ایچینده «ایتیب - باتمیر»، «اریمیر» - اؤز صاف داخلی عالملرینه، شوخلوق حیسلرینه سؤیکه نه رک قارانلیق بیر عالمده، کؤزرتی شکلینده ده اولسا، ایشیق تاپا بیلیرلر.