یوسوفون گوندوز گئجه سی

یازار: محمود دولت آبادی

چئویرمه: پرویز شاهمرسی

بیرینجی چاپ 1399

83 صفحه

ناشر: قالان یورد

شابک: 2-676531-622-978

مین اوچ یوز قیرخ یئتدی، سکگیزینجی ایللرده یاواش یاواش «کلیدر» ی یازماغا ساری گئتمک اورگین اوزومده تاپمیشدیم. او گونلر دویغودا آنلامدا ایندیکی گؤردوگونوزدن آراسی اولمایان رومانین بیتیشیندن بیر پارچاسین یازدیم. «کلمیشی» قوجاسینین اوشاقلاری، قارداشی کیمسه سینین آختارماغینا داغ دوشونه درماشماسی ایدی. بیر چیلقین آدامین ائله دیگی تکین. سانکی او کیشی گؤی ایله داغ ایله دانیشیب  سؤروشوردو هارداسیز آی اوغلانلاریم، قارداشلاریم ... اون بئش ایل گیرگین داستان یازماق دؤرانیمدان کئچیردی بو اورگه ال تاپمیشدیم. بیر دانیشیقدا دئدیگیم کیمی بیر دعا ایله مناجاتا اوخشار یازیدا دری ادبیاتینین آتالاری بؤیوکلریندن کؤمک ایسته دیم. او ایشی باشلاییب آراسی کسیلمه دن اللی ایکینجی ایلین ایکینجی یاریسی اللی اوچونجو بیرینجی یاریسیناجان گئدیردیم. ائله بیلدیم کلیدر داستانینین متنیدن قیراقدا بیر داستانلار بئینیمده وار گرک بیر اویغون ماجالدا یازیم، قیراغا قویوم، سونرا قاییدیم کلیدرین سوراغینا. بئله سانیردیم کلیدر منی اللینجی اون ایلین سونونجان اؤزو ایله آپاراجاق.

بونا گؤره کلیدرین بیر یئرینده اونو قویدوم قیراغا، باش قوشدوم بئینیمی چالیشدیران بیر داستانلارا. گرک اونلاری یازیب جانیمی قورتارایدیم. بوندان قاباق بیر آز اوزون «پایینی ها» رومانینین ایکینجی یازماسینی قورتاریب قیراغا قویموشدوم. ایندی گرک باش قوشایدیم «عقیل،عقیل»، «از خم چنبر»، «دیدار بلوچ» ایله ... «روز و شب یوسف» داستانلارینا. باش قوشوب یازدیم.

یئنه کلیدره قاییتماق اوچون، بیر جاردا «در اعماق» ایشینین چتین تئاتری منی آپاردی. تئاتر بیتمه میشدی، من هله اؤز اؤنملی ایشیمه دؤنمه میشدیم مین اوچ یوز اللی اوچونجو ایلین سونوندا - اسفند آیلاریندا - ایکی دقیقه لیک منی دوستاغا آپاردیلار. یانی ایکی ایل. عقیل - عقیل داستانین باسیلمیشی دوستاقدا الیمه چاتدی. «دیوار بلوچ» (سفرنامه) از خم چمبر (چنبر) کتابلارین او ایکی ایللیک سیناقدان سونرا باسیما تاپشیردیم. «پایینی ها» باشی هارداسا باتدی. «روز و شب یوسف» - ائله بیل ناشره تاپشیردیغیم بیر خالوار ال یازمالاریمین آراسیندا گؤزه گلمه دی. منیم گومانیمدا «روز و شب یوسف» گئتمیشدی «پایینی ها» رومانی ایله «درخت» این قیسسا نمایشنامه سی گئدن یئره.

قارانتازینا سون ائو توکمه ده اونون ال یازماسی ایله جیندا ییغیلمیش یازقیسی تاپیلدی. قارشینیزدا اولان بو دفتر یئنه تاپیلمیش اوتوز ایلین قالیغیدی. حیفیم گلدی بو داستانلار یازارین ایشلرینده گلمه سین. یادیما گلن دیسکینتیسین اوچ بوجاغیندا یارانان اثرلردندی:

الف) «کلیدر» دن اوزاقلاشماق

ب) تئاتر ایشلرینه، اونون سوروملارینا قاریشماق، قورپون گونئی ماحاللارینا قوردوغو سفرلر.

ج) یاشاییش، کئچینیش، ایش، اداره او زامانین گونده کی دورومو.