سیز نئجه؟

شعر توپلوسو

ظهیر محمدی قایا

ائدیت: علی محمد بیانی

ناشر: ساوالان ایگیدلری

بیرینجی چاپ 1399

250 صفحه

شابک: 6-673956-622-978

«قایا» تخلصی له تانینمیش «ظُهیر محمدی» نی تانییان لار، اونون یانیقلی شعرلرینی شعر آخشام لاریندا ائشیدیب، شاعیر له فرحله نیب، کدرله نیب و ادبیاتیمیزین اینجه لیک لری و نیسگیل لری له تانیش اولوبلار.

قایا، زنگان «چایپارا» سی نین «موشامپا» کندینده 1348 ایلینده آنادان اولوب، «قیزیل اؤزن» آنانین تر-طراوتلی قوجاغیندا بوی آتیب، خالق ایله یاشاییب، خالق ایله گولوب، خالق ایله زحمت لره قاتلانیب، خالق ایله آغلاییب و سونوندا دردلی و دوشونجه لی بیر شاعیر اولوبدور.

قایانین آکادمیک تجروبه سی یوخ، آما خالق ایله یاشاماق، آکادمی دن اسکیگ دئییل کی! آکادمی لر شاعیر بسله یه بیلمزلر. اورادا ادیب اولماق اولار، آما شاعیرلیگین اولماسا، میز دالیندا و وایت بورد قاباغیندا شاعیر اولا بیلمزسن یقین. قایا ائل حاقیندا دئییر:

ائلین عاشیقی یم، سازیم سینه مده

گاه زیل ده چالارام، گاه داکی بم ده

گوله رم شنلیک ده، آغلارام غم ده

«قایا»نی یاشادان، ائل لر وار اولسون