بئله دئدی زردوشت

فریدریخ نیچه

مترجم: علیرضا اقدمی باهر، علیسا نجات

ناشر: ساوالان ایگیدلری

چاپ اول 1399

487 صفحه

شابک: 2-673970-622-978

«بئله دئدی زردوشت» اثری تکجه نیچه نین دئییل، عومومیت له، دونیا فلسفه سی نین قو نغمه سیدیر. آذربایجان جمهوریتینده «بئله دئدی زردوشت»، «زردوشت بئله دئییردی» آدیندا علیسا نجاتین رداکتورلوغویلا چاپ اولموشدور. آی بنیز عاباسووا کیتابین بیرینجی حیصه سینی آلمان دیلیندن ترجومه ائدیب، علیسا نجات ایسه کیتابین ایکینجی، اوچونجو، دؤردونجو حیصه لرینی، روس دیلیندن دیلیمیزه چئویریر. اوخوماغا باشلادیغینیز بو کیتابین بیرینجی حیصه سی علیرضا اقدمی باهر طرفیندن یوخاریداکیندان فرقلی اولاراق اینگیلیس دیلندن ترجومه اولونوب، سونرا آذربایجان، تورک، فارس دیل لرینده کی ترجومه لردن فایدالاناراق، رداکته ایش لری گؤرولوب، چاپا حاضیرلانمیشدیر. قیساجا بو کیتابین حاقیندا آشاغیداکی لاری قید ائتمک قاچینیلمازدیر:

آذربایجان دیلینده نشر اولونان کیتابین بیرینجی حیصه سینه عاید «کؤنول لو اؤلوم حاقیندا»،«خیرخواه لیق فضیلتی حاقیندا» بؤلمه لر، دؤردونجو حیصه سینده کی «ائششک بایرامی» بؤلومو ترجومه ائدیلمه ییب یاخود کتابین الکترون نوسخه سینده اونلارا یئر وئریلمه میشدیر. بو مؤوضوع لار یئنیدن چئوریلیب، کیتابا آرتریلمیشدیر.

ایکینجی، اوچونجو، دؤردونجو حیصه لرده GOD سؤزونه قارشیلیق «آللاه» سؤزو ایشله دیلمیشدیر. بو سؤزو بیر چوخ یئرده «تانری» سؤزو ایله دییشدیرمیشیک.