کنگرلر

اَن قدیم تورک دولت لری سلسله سیندن

تالیف: آلتای ممداوف

حاضیرلایان: سلیمان هاشمی

رئداکته: حسن اوموداوغلو - مهدی زینالی

چاپ اول 1399

ناشر: قالان یورد

152 صفحه

شابک: 6-20-6765-622-978

آلتای ممداوفون اوخوجولارا تقدیم ائتدییی «کنگرلر» اثری نین علمی دَیری ده بوندادیر. بو اثر صرف علمی - تدقیقات اولماسادا موجود ادبیاتا اساس لانیر. بیر قدر عمومی سبک ده، گئنیش اوخوجولار اوچون نظرده توتولموش بئله اثرلره ایندی احتیاج واردیر. آلتای معلم ین اثری اساس اعتباریله کنگرلرین اورتا آسیاداکی مسئله لرینه ده توخونموش و دوغرو ملاحظه لر سؤیلمیه چالیشمیشدیر.

آلتای ممداوف اورتا آسیادا و قازاقستان داکی تورک دیللی خالق لارین گویا ائرکن اورتا عصرلرده گلمه لری و تورک لشدیریلمیش ایران دیللی لرین سونراکی نسیل لری اولماسی حاققیندا عقیده سی نین ساختا اولدوغونو سؤیلییر مولف دوغرو یازیر کی، بعضی غربی اروپا و روس تاریخ چیلری نین، تاجیک تاریخ چیسی ب.ق.غافوراوفون اورتا آسیادا و قازاقستان دا تورک خالق لاریندان اول ایران دیللی (یاخود آری منشالی) طایفالارین یاشاماسی فیکری قدیم تورک خالق لارینا وورولموش، جالاق دیر، گئج-تئز بو جالاق قورویاجاق دیر. تاریخی حاق سیزلیغا قارشی چیخان مولف بعضی حال لاردا اموسیایا یئر آییرسا دا رِگیونون تورک منشالی، یاخود تورک دیللی طایفالارین یوردو اولدوغونو تصدیق لین حقیقت لری آردیجیل لیقلا شرح ائتمیش و دوغرو نتیجه لره گلمیش دیر.

«اوغوز سلطنتی» و «کنگرلر» اثرلریله مولف اؤزونون خالق یمیزین ملی تاریخی حاققیندا یئنی عقیده یارادیجی لاری نین سیراسیندا دوردوغونو تصدیق لییر بو دا خالقا خدمت دیر، یارالی وطن تورپاغی نین چاغریشینا های دیر. اونا گؤره ده اثرین گئنیش اوخوجولار طرفیندن رغبت له قارشی لاناجاغینا امینم.

غیاث الدین غیب اله اف

تاریخ علم لری دوکتورو