عاشیق حسین جاوان

«باهار سوراغیندا»

حاضیرلایان: محسن شکری کلان

ناشر: نشر اختر

چاپ سوم 1398

280 صفحه

شابک: 2-336-517-964-978

داغلار

نه گؤزل سن، صفالیسان،

سولماسین گول زارین، داغلار!

یاخشی دوست تک وفالیسان،

پوزولماز ایلقارین، داغلار!

یاز اولاندا قارین اریر،

کؤکسون گولزارا دؤنده ریر، 

خسته لره شفا وئریر،

سرین بوزون، قارین، داغلار!

شلاله لی قوجا ترتر،

خاچین چایی، دلی قارقار،

جیبیندن آخان ترلر،

جوشدورور چایلارین، داغلار‍!

قوشقار، کپز، مورغوز، مروو ...

قاشلاریندان گئتمیر قیروو،

دلی داغدان قالخاندا اوو،

ایزلر اووچولارین، داغلار!

اؤیرنمیشم علعسگردن،

یازیرام سینه دفتردن،

«جاودان حسین» هردن - هردن،

یازیر اؤز اشعارین، داغلار!