|
نام محصول: شعر وارلیغین ائوی دیر
700,000ريال
توضیحات محصول
شعر وارلیغین ائوی دیر
ایواز طاها
یاییم ائوی: پینار
یاییم ایلی 1388
چاپ نؤوبه سی: اوچونجو باسقی
367 صفحه
«شعر وارلیغین ائوی دی» باشلیقلی کیتابین بیرینجی باسقیسی گئنیش تپکی دوغوردو. بو، منی سئویندیرمه یه بیلمزدی. بیلیریک، شعریمیزین گؤزه للیک مسئله سینی آراشدیرماغا قاتلاشمیش اثرلرین یئری بوشدور. آمما فلسفی قاورام لارا کؤکلنمیش بئله بیر آغیر دیللی اثرین ماراق لا قارشیلانماسینی گومان ائتمزدیم. هر حالدا بئله اولدو. بو ایسه منی یئنی دن دوشوندورمه یه، کیتابدا کؤک لو دییشیک لیک آپارماغا قالدیردی. کیتاب لا باغلی آلدیغیم بول بول یازیلی و ائلئکترون مکتوب لاردا کسکین تنقیدلر، گؤزه ل سورغولار، ایلگینج اؤنری لرله قارشیلاشدیم. کیمیسی کیتابی چتین لیک له آنلادیغیندان گیلئیلنمیشدی، کیمیسی ده قویولموش سورغولارین جاوابسیز قالماسیندان آجیقلانمیشدی. کیمسی نین باخیشی کیتاب لا اوست اوسته دوشور، بعضی لری ده کیتابین هانسی سا بؤلوم لریله راضیلاشمادیقلاریندان دانیشیر.
|
|