ایضاحلی عاشیق ادبیاتی سؤزلویو

مولف: محرم قاسملی ، محمود الله مانلی

حاضیرلایان: عیوض پورحسن

ناشر: آذرتوران - نباتی

317 صفحه

بیرینجی چاپ 1400

شابک:6-86-7348-622-978

دوزگون سجیه داشییان عاشیق صنعتینین و اونون آیریلماز ترکیب حصه سی کیمی تظاهر ائدن عاشیق ادبیاتینین ایلکین تشکل و بیچیملنمه مرحله سی اساسا 13-15 نجی عصرلر بویونو احاطه ائتسه ده، بو تاریخی مرحله ده بیر طرفدن اوزان صنعتینین هله لیک میدانی تام اولاراق ترک ائتمه مه سی، او بیری طرفدنده عاشیقلیق یولونو توتان یئنی تیپلی سؤز و موسیقی صنعتکارینین الهی عشق عاشقلیگی - حق عاشیقلیغی موجود وضعیتینی بوتون پارامترلری ایله اؤزونده جمع لشدیریب باشا چاتدیرماماسی همین دؤنم داخلینده سؤزو گئدن استقامتین گؤرکملی سیمالارینین اورتایا چیخماسی امکانینی گئرچکلشدیره بیلمه میشدیر. بو سببدنده صوفی - درویش معنوی - فلسفی حرکاتینین ایچریسیندن آیریجا بیر خط - آخین کیمی ظهور ائدن عاشیقلیغین الهی - روحانی تبلیغات وظیفه سی  ایله یاناشی موسیقیچی - سؤز صنعتکارینا و بدیعی ادبیات داشییجیسینا چئوریلمه سی کفایت قدر اوزون بیر زامان مقیاسینی احاطه ائتمیشدیر...