اوزاق دان گؤرونن ائو، بیزیم ائودیر

حسن(محمد) شیخ الاسلامی «حاق سئون»

ائدیت: علی محمد بیانی - بهیه کریمی

ناشر: ساوالان ایگیدلری

بیرینجی چاپ 1399

240 صفحه

شابک: 3-86-6739-622-978

من شاعیر «حاق سئون»ین شعرلرینی بیر بیر آچیقلاییب و اونلارین حاقیندا سیجیرله مه یازماق قراریندا دئییلم. چونکی اونلاری بو کتاب دا اوخویاجاقسینیز و بیر باشا اونون دویغولارینی دوستلوق، محبت، وطن سئورلیک حاقیندا دویاجاقسینیز. شبهه سیز کی هنر دونیاسی اوز یولونو گئدیر، آما همیشه بیر فیکیر، اوخوجولارین بئینینده جانلانیر، او دا بو دور کی، گؤرن بو شاعیرین شعرلری نین، اؤزویله نه مناسبتی وار؟

چونکو بو گونکو اورتام فضادا چوخ آدام لار، اؤزلری دئییللر. بو اخلاقسیزلیق دا بعضا آزما چوخ شعرلره ده ائتگیسینی بوراخیر، آما من ایل لر بویو یاخین تانیشلیق اعتباریله دئیه بیله رم کی، بو شاعر، اؤز یازدیغی شعرلری نین قالانی دیر.

ائلدارلیق، مهربانلیق، دوستلوغا حرمت بسله مک، اؤزلوگونه اینانماق، «حاق سئون»ین اؤزللیک لریندن دیر. او چوخ کؤینک ییرتمیش و تانینمیش بیر داغچی دیر. بو گؤروب گؤتورموش شاعر، بیر داغچی انسانین بوتون اؤزللیک لرینه مالک دیر. قاپیسی هامی نین اوزونه آچیق دیر. حاق سئون، غم کدرینی ده اؤزو داشییارسا، سئوینج لرینی دوست لاریلا پایلاشلار.

آنجاق بو قافلانتی شاعری، بوتون اوخوجولارینا اوره گینی سونور.

دکتر ارشد نظری

میانا-قیش 1399