عاشیق ادبیاتی

قایاباشیلی عاشیق فتح ا... رضایی نین ساز سؤز صنعتی

قاچاق نبی ایله هجرین دستانی

آراشدیریب یازان: عمار احمدی

ناشر: ساوالان ایگیدلری

126 صفحه

شابک: 0-83-8821-600-978

عاشیق فتح ا... قایاباشینین اؤز دانیشدیغی اساسدا 1332-جی ایلده آذربایجانین عاشیقلار اوجاغی اولان قاراداغ ماحالینین بؤیوک قایاباشی کندینده آنادان اولوب. عاشیق فتح ا.. «فتح آغا» اؤزو دیلینه گتیرمه سه ده بیز یاخشی بیلیریک کی تانری اونو دده قورقود یوردونا معاصر دؤورده پای وئریب.

عاشیق اوشاقلیق چاغیندا بؤیوک قارداشینین تشویقی اساسدا قایاباشی نین اؤز زامانیندا گؤزل عاشیقی، اوستاد عاشیق حسین جاوانین بؤیوک اؤیرنجی سینین یانیندا یعنی عاشیق خیرا... نین عاشیق صنعتینی دوشونور. عاشیق فتح ا... چوخ تئز بو گؤزل صنعته مالیک اولور، اوستاد عاشیق پولاد، ها بئله بؤیوک چوخلو اوستاد عاشیقلاردان ساز-سؤز صنعتینی گؤزل سویه ده پای گؤتورور.

بوگونه قدر عاشیق فتح اللایا بیر چوخ تورک مملکتلرده گؤزل- گؤزل عزیزلمه لر، یوبیلئیلر توتوبلار، آنجاق 1396-جی ایلده تبریز شهرینده ده اوستادین یوزلر اؤیرنجی لرینین اشتراکی ایله محتشم بیر یوبئلی کئچیردیلر.