یارا

بابک اسلامی

حاضیرلایان: سخاوت عزتی

ناشر: آواز یایین ائوی

نشره حاضیرلایان: سعید موغانلی

بیرینجی چاپ 1400

88 صفحه

شابک: 1-15-9815-622-978

بیز باغ اولساقدا ...

هانسی وارلیق؟ قارا پالتار تیکیلیب اَینیمیزه

بیر اسارت بویالی وار تیکیلیب اَینیمیزه.

گونو گوندن سیخاجاق؛ گون کیمی آیدیندی منه،

بو دون اولدن ائله دار تیکیلیب اَینیمیزه.

بیز باغ اولساق دا، هنیزدیر یازی تامسینمامیشیق!

گؤز آچاندان ائله بو قار تیکیلیب اَینیمیزه.

آی نه بیر زلزله! حسرت یوکوموز سیلکلَنه،

ائله بیل واللهی دغلار تیکیلیب اَینیمیزه.