اوشوین آینا

حمید نطقی

کؤچورن و حاضیرلایان: علی اصلانی

ناشر: آذرتوران - نباتی

بیرینجی چاپ 1400

172 صفحه

شابک: 5-11-7886-622-978

دؤکتور حمید نطقی (آیتان) آذربایجان چاغداش ادبیاتیندا ده یرلی و گؤرکملی سیمالارداندیر کی رولونو معاصر شعریمیزده، هابئله دیلینیزده اونوتماق اولماز. نطقی «آیتان» تخلوصوایله شعر یازمیش و شعرلرینده بؤیوک شاعرلریمیز: رفعت و ساهرین ایزینی گئتمیشدیر. آیری بیر سؤزله دئسک مدرن شعرده اوچ سیما بیر خطی توتوب ایزله میشلر: رفعت، ساهر، نطقی.

دؤکتور نطقی نی شاعرلیک دن آرتیق، ادبیاتیمیزدا آراشدیرمالاری، یازی قایدالاریمیزی ساهمانلاماق و ادبی نظریه لر اورتایا قویماق اوچون ده یرلندیرمک دوزگون اولار. دؤکتور نطقی 1299 دا تبریزده آنادان اولدو، تبریزده تحصیلینی دپیلوما قده ر داوام وئریب، همان چاغلاردا مقاله لر یازدی. سونرا تورکیه یه گئدیب حقوق دوکتوراسینی الده ائتدی. بو زامانلار دوکتور نطقی دوکتور هئیت ایله برابر یاشاییب، دوستلوق ائدیردیلر. نطقی دوکتوراسینی آلاراق ایرانا دؤندو و آبادان دا نفت شرکتینده ایشه باشلادی. لیاقت لری اساسیندا، دوکتور نطقی «عمومی علاقه لر» ساحه سینده دریندن تحقیق و تدقیق لر آپارماق اوچون انگیلیس و آمریکایا گؤنده ریلدی. 1341جی ایلدن تهرانا گلیب، نفت شرکتینده ایشینه دوام وئره رک، «دانشکده ی ارتباطات عمومی»ده تدریس اوچون دعوت اولوندو، 5ایل بورادا اوستادلیق ائدیب بو دانشکده نین رئیسی اولدو...