دوریان گری یین پورترئتی

اسکار وایلد

چئویرن و اوشاقلار اوچون ایشله ینی: نجات علی یئو

حاضیرلایان: بهرام سورگون

ناشر: پارلاق قلم

بیرینجی چاپ 1400

135 صفحه

شابک: 7-80-6993-622-978

اینگلیس فیلوسوفو، دراماتورق، یازیچی، شاعر و تنقیدچیسی اوسکار وایلد ویکتورییا دورونون سون چاغلارینین مشهور سیمالاریندان دیر. 19-جو عصر اینگیلتره سینین چوخ پارلاق و اینجه ائستئتلریندن بیری اولان یازیچی اینگیلیس دیلینده یازیلمیش ان گؤزل کومئدییا، ائله جه ده ائسسئلرین مؤلفی دیر. او، حیاتینین سون ایللرینی سئباستییان منلموت آدی ایله یوخسوللوق ایچینده پاریس ده یاشامیش، ائله اوراداجا هامی طرفیندن اونودولموش شکیلده وفات ائتمیش دیر.

«دوریان گری یین پورترئتی» اوسکار وایلدین درج ائدیلمیش یئگانه رومانی دیر. ایلک دفعه 1890-جی ایلین ایول آیین دا چاپ اولونموشدور. اثر سونرالار ائستئتیزمین مانیفیستینه چئوریلمیش خصوصی مقدمه و آلتی یئنی فصیل علاوه اولوناراق 1891-جی ایلین آپرئل آییندا آیریجا کتاب شکلینده نشر ائدیلمیش دیر.