آدام وار

سس‌سیز جنایت داشییر!

بونو شاعیر چیلغینجا دا دئیه بیلردی...

 

شهردار آذربایجان جمهوریتیندن کؤچورولن اجتماعی-رئال بیر رومان‌دیر، یازیچی عصرین ان کیرلی اولایینا بارماق قویاراق گئرچک‌چی بیر فضادا او اولای‌لاری ایضاحلاماغا چالیشیب. قدرت ساحه‌سینده مافییالیق، جنایت‌لر، باندبازلیق و رابطه‌لر ان اینجه آیرینتی‌لاری ایلا آچیقلانمیشدیر. رومان رئال اولماسینا رغمن چوخ اوستون ادبی‌لیک سویه‌سینی ده قوروماقدا باشاریلی اولموشدور. یازیچی توپلومو سارسیدان بیر اولایی هدف آلاراق، عاییله‌وی رابطه‌لرین گوج و قدرت آلیش وئریشینده نه قدر اؤنملی رول اوینادیغینی آنلاتماغا چالیشیر. دیلین سرت اولماسینا باخمایاراق رومانین قونوسو ایلا سیخ رابطه‌سینی ساخلاماقدادیر. کلمه‌لرین بو درجه خشونتی بونا شاهید‌دیر کی قدرت ان دویغوسال روح‌لاری دا قودوزلاشدیرماغا قادیردیر.

قودرت اؤزونو ساخلاماق و ان یوکسک گوجده قالماق اوچون اؤزونه دایره‌وی نوچه آختاریر و اونلاری دا اؤزویله قالدیریر و البته ان چیرکین قویویا دا چکیر اؤزویله...

نور جنابلاری روماندا گوج ایلم‌لرینین بو یؤندن تنقید آتشینه توتموشدور و مدرن باکیدا بوجور  اویونبازلیغی قلمه چکیبدیر. 

شهردار، اصلی آدی [شهر مئری] بئله بیر اثردی.

اونون اوخوماسینی بوتون ادبیاتیمیزی دقیق ایزله‌ینلره تابشیریق کیمی وئریر، اثرین دیلی چوخ ماراق دوغوران اولدوغو اوچون، دیلیمیزی یئنی مطالعه ائدن اوخوجولار دا تاشیریق وئریریک.