قارداش آندی

قارداش آندی

قارداش آندی

وضعیت: ناموجود
پدیدآورنده: بولود قاراچورلو

قارداش آندی

بولود قاراچورلو.سهند
بوتون شعرلر:
سازیمین سوزو
دده مین کتابی
قارداش آندی
ارمغان لار
سهند دیوانی
چاچ اولمامیش اثرلر
حاضیرلایان: سعید موغانلی
ساهمانلایان: علی رضا رشیدفر
یایینلایان: افکار یایین ائوی
1080 صفحه
شابک: 6-089-228-964-978

 

1305- جی ایلین اردیبهشت ماراغادا آنادان اولموش و ایلک تحصیلاتی دوغما یوردوندا باشا چاتدیرمیشدیر. 

اورتا تحصیلاتینی بیتیردیکدن سونرا، آذربایجان صلح انجمنی نین عضوو سئچیلن گنج بولود، اؤلکه ده فرقه لیکدن سونراکی سیاسی سیخینتی لار اوجباتیندان مجبوری اولاراق تهرانا کؤچدورولموشدور.

تهراندا اؤز اجتماعی و اقتصادی فعالیتینه دوام وئررکن تبریزلی یولداشی اوستاد فرزانه ایله بیرلیکده بیر ائوده یاشاماغا قرارلاشمیش و بو ائوبیرلیک سهندین ادبی حیاتیندا بؤیوک ایره لیله ییش و اوغور ساییلیر. همن ایللرده فرزانه و باشقا دوستلاری ایله بیرلیکده توتوقلانمیش وزندانا آپاریلمیشدیر. اوندان سونرا بؤیوک اقتصادی و ادبی فعالیتی اولموش و بو ساحه لرده اوغورلار قازانمیشدیر.

1358- جی ایلین فروردین آیینین 21- جی گونو اورک دایانماسی نتیجه سینده، باشینی باشی اوجا سهندین قوینونا قویوب، آذربایجان ادبیاتینین داغینا داغ باسدی.

چاغداش شعریمیزین اوجامان سؤیچوسو، چاغداشلیغیمیزین شاعر «دده قورقود» و، سهندین بوتون اثرلرینی ادبیاتیمیزا سونماقدان، سئوینجیمیزی گیزله ده بیلمیریک!...

طالعیمه سن باخ

دردلر
اوره ییمده قالانیب،
قالاق – قالاق.
بئله گئتسه اگر،
بو بالاجا چاناق
پرم – پرم اولاجاق.

بیر درد بیلن آختاریرام،
بیر ائشیدن آختاریرام.
دئیه بیلم دردلریمی،
سؤیله یه بیلم کدریمی.
بیر آچا بیلم صاندیغی.
دئمیشلر:
اورک سفره دئییل
هر گله نین قارشیسینا آچاسان
لاکین، اینان
من،سفره دن ده آچیق
سینه می آچماق ایسته ییرم
بو سفره نین دوره سینه
بوتون عالمی ییغماق ایسته ییرم.

قوناقلیق اوچون یوخ،
دده مه احسان اوچون یوخ،
یئدیییم تاتورانیف
ایچدیییم زققومو،
هامیلارا دادیزدیرماق اوچون
هامییا گؤستریب تانیتماق اوچون.
دردیمی، آجیمی!
آخی بیلیرسن من کیمم؟
من دیلی – آغزی قیفیللی دردلییم.

اوره ییم بیرذره قایغی،
بیر ذره محبت اوچون
افیل – افیل اسیر،
اینانین،
منی ارلدورمور یانغی،
بیرجه ذره عدالت اوچون،
جان وئریرم، دردیمی قانین!
سؤزومه اینانین!
بیلیرسیز نییه،
من اؤز دوغولدوغوم ائوده،
اؤز آنا دیاریمدا،
آتا – بابا اولاریمدا،
یادام، یاد!
شیرینینی
یادلار قوینونا بوراخمیش
فرهادام، فرهاد!
 

 
دسته بندی محصولات
مقالات مرتبط با محصول
مرورگر شما بسیار قدیمی است!
جهت مشاهده این وب سایت به صورت صحیح، بروزرسانی مرورگرتان ضروری خواهد بود. بروزرسانی مرورگر
×