چیخدی صد حیف، الیمیزدن اوْل عدالت کانی،
او، ژولیکلر یاتاغی؛ کؤهنه قوبا میدانی.
وار ایدیق بیر نئچه دلّال هامی پاکیزهنژاد،
مختصر کیم بیزیم الیمیزده ایدی هر بیر زاد،
خلق گر حیلهده شیطانی ساییر کان فساد،
بیزه شاگرد اولامازدی، هله قالسین اوستاد،
حیله و مکر ایله فسخ ائتمیش ایدیک شیطانی.
ایشیمیز صبح و مسا عالمی آلداتماق ایدی،
بیره بئش خلقه باها قیمته شئی ساتماق ایدی،
غرض، عادت بیزهآسوده یئییب، یاتماق ایدی،
گؤز گؤره خلقی بوتون کاریمیز آلداتماق ایدی،
بیزه یارب! یئنه قسمت ائله، او دوورانی!..