نایب اکبر و زینب پاشا پوئماسی
شاعر: قهرمان حیدر خطیبی
ناشر: انتشارات آذر تورک
302 صفحه
چاپ اول 1395
شابک: 4-39-8343-600-978
 

بو گونه قدر اوچ – دؤرد کتابی نین اوخوجوسو اولدوغوموز قهرمان حیدر خطیبی کی شعرده قهرمان تخلص ائدیر گونش ایلی 1329 دا تاریخ بویلو تبریزین اسکی محله لرینین بیریسی اولان خطیب ده ایشیق دونیایا گؤز آچیب. ائله همین محله ده بویا-باشا چاتیب، بو گونده اؤز آتا-بابا یوردلاری اولان خطیب ده یاشاییر. بو نزاکتلی قلمداش بیر شاعر اولدوغو حالدا، تاریخیمیزده ماراقلانیب، الینه کئچن کتابی اوخویوب، گاهدان اونلارین بیر سیراسینا تنقیدی نطرلری ده اولار. حؤرمتلی قهرمان خطیبی نین ان ماقلاندیغی تاریخ، مشروطه نهضتی ایله، آذربایجاندا کی 24-25 – جی ایللرده ملی حرکتلر اولموشدور. خطیب لی نایب اکبرین وفاتی ایله بیتیریر. منجه بو منظومه بیر تهرده ائله خطیب محله سینین چاغداش تاریخی ده حسابلانا بیلر.
بئله لیکه گؤروروک بیزیم آراشدیردیغیمیز تحقیقین اساسیندا بو گونه قدر مشروطه نهضتینه عاید 6 اثر یازیلیب، ماراقلی دیرکی بو اثرلرین دؤردون بیز آذربایجانلی لار، ایکیسینی ایسه فارس قارداشلاریمیز قوشموشلار. ایندی شاعیریمیز قهرمان خطیبی نین بو اثری ایله بیزده مشروطه نین منظوم تاریخی تورکجه-قارسجا بئش جلده چاتیر کی بو اؤزلویونده بیر بؤیوک ایش و دئمک تاریخ دیر. ماراقلی نقطه بوراسی دیر کی قلمداشیمیز آیاغین کئچمیش شاعرلرین یئرینه قویسا دا، اونو مهارت و لیاقت له بیتیرمیشدیر.
سونرالار ایسه خیال آتینی مینیب مشروطه دن اؤنجه اوز وئرن تانباکی حرکاتیندان باشلاییب، مشروطه نین سونونا قدر داوام ائتمیشدیر. ماراقلی دیر کی بورادا شاعر دوستوموز اؤزو خطیب لی اولدوغونا گؤره، خطیب ین ایزینی مشروطه نهضتینده گؤزلجه بیان ائتمیشدیر. بو سطیرلری یازار اؤزو شخصا شاهد ایدی کی جوشقون طبع لی شاعریمیز نئجه مشروطه یه عاید اولان کتابلاری ماراقلا آراییب، آختاریب، هؤوه اوخوماغینا رغبت گؤستریردی.
ایندی بو کتابین نشری ایله گؤزلریمیز ایشقلانیب، ادبیات و تاریخیمیزه ایسه بیر زنگین واراق آرتیریلمیشدیر. بوندان علاوه بیز آذربایجانلی لارین مشروطه یه عاید منظوم قوشدوغوموز تاریخ لرین ده سایلاری 5 جلده چاتمیشدیر کی اؤزولویونده انترسال و اؤنملی بیر ایش حسابلانا بیلر. 

رضا همراز – تبریز
14/5/1394