سولدوزون دان سازی

اسفندیار فیضی پور «سولدوز ده ییرمانچی اوغلو»

ناشر: انتشارات سولدوزبایجان

چاپ اول 1394

361 صفحه

شابک: 8-19-7388-600-978

نمونه ای از شعرهای این کتاب

یالنیز

قلمدان داغیلان نور ایشیغینا

اوره یین دفتری لایقدیر یالنیز،

گئجه دیر اولدوزلار نه اوچون چیخمیر،

تک قالیب بو کونلوم، آییقدیر یالنیز.

فاتحه سری وار چوخ آلقیشلاردا

دار گوزلر گورورم من باخیشلاردا،

بو ریا، بو یالان، بو گوروشلرده

اون مئتیر دولانان ساریقدیر یالنیز.

قلمین قدرینی ناخیرچی بیلمز،

گوز یاشین باش کسن حرامی سیلمز

کیم حرام مال یئدی، دوز یولا گلمز

بو سوزه حاق گورر، تانیقدیر یالنیز.

سولدوز ائل یولوندا اولسه، خوش اولار

بیر اوندا اوره یی غمدن بوش اولار

قالدیقجا بلایه درده توش اولار

اوره یی هامیدان یازیقدیر یالنیز.