گله جک گون

گله جک گون

گله جک گون

وضعیت: ناموجود
امتیاز:
پدیدآورنده: میرزه ابراهیم اوف

گله‌جک گون
تورکجه رومان
میرزه ابراهیم‌اوف
کؤچورن: ائلیار پولاد
حاضیرلایان: سعید موغانلی
ناشر: اندیشه‌نو
چاپ اول ۱۳۹۷
۷۲۰ صفحه 

فریدون ابراهیمی‌نین حیاتی و‌ مبارزه‌سی ایله باغلی تاریخی، اجتماعی، رئالیستی رومان


کؤکو سارابین اییه کندیندن اولان و اوشاقلیقدان آتاسی‌نین ایشچی اولدوغونا گؤره اوتایا کؤچموش میرزه ابراهیم، روماندا ملی حکومتین نئجه یارانماسی و خصوصی ایله فریدون ابراهیمی‌نین حیاتی و مبارزه‌سی ایله باغلی ۷۰۰ صفحه‌لیک قالین رومانی‌نی قلمه‌ آلمیش و زامانیندا جریان دوغوران بیر اثر ساییلمیشدیر. اثر آلتمیشینجی ایللرین اول‌لرینده تهراندا ناصر پورپیرار گیلین انتشاراتیندا فارسجایا دا چئوریلمیش و «روزی که می‌آید» آدیندا نشر اولموشدور.

عمومیتجه اثرده، فرقه‌نین تشکل تاپما زمینه‌سی و او دوورده آذربایجاندا و بوتون ایراندا کاسیبلیغین، فقر-فلاکتین نئجه خالقی پیس گونه سالماسیندان مباحثه ائدیر. بو آرادا ملی حکومتین باشچی‌لاری قدار و قولدور رضاخان حکومتینده هرنه‌یینی اودوزموش بوتون ایرانا و خصوصی ایله آذربایجانا آزادلیق،  عمومی رفاه و اقتصادیتین یاخشیلاشماسی‌نی ارمغان گتیرمک اوچون مبارزه‌یه باشلامیشلار.

روماندا، فرقه دادستانی فریدون ابراهیمی‌نین آتاسی ایله توفارقاندا باغبان ایشله‌مک و خانلار طرفیندن اوردان قوولماق، تبریز، اردبیل و آستارایا اجباری کؤچدورولمه‌سی و کیچیک فریدونون اتاسی‌نین بو سورگونلوکده حیات ایتیرمه‌سی، فریدونون دایی‌سی موسی کیشی گیلده یاشاماسی و چوخ گنجکن کندده عاشیق اولماسی و یئنه اردبیل کندلریندن اصفهانلی مالیک طرفیندن زندانا سالینماسی و قاچقین دوشمه‌سینی تصویره چکیر.
گنج فریدون تهرانا ایش اوچون مجبوری و پیس بیر حالدا کؤچور. اوردا بیر دوستون شرایط یاراتماسی نتیجه‌سینده دارالفنون‌دا تحصیله باشلاییر و هابئله یاشاماق اوچون مختلف ایشلر گؤرور.
تهراندا ایلک سول حرکاتچی‌لاری ایله تانیش اولور و ایلک اولاراق سولچو دوشونجه‌لی اعلان و شبنامه‌لر داغیدیرلار. اؤنجول سولچولار تقی ارانی و پیشه‌وری گیل تهراندا رضاخان زندانیندایکن، فریدون گیل تهراندا مبارزه ائدیر و سونرالار پیشه‌وری و بیر چوخ مبارزله تانیش اولور و‌ نهایت ملی حکومتی یاراتماغی دوشونورلر. تبریزده ملی حکومت یارانیر، آزادلیق و ملی رفاه ارمغان ائدیلیر، خالقین ان خوشبخت چاغیندا حکومت آمریکا باشچیلاری، استالین و رضاخان قولدورلاری الیله فاجعه‌وی داغیدیلیر، ۳۵ مین انسان سوی قیریم اولونور.
بیر چوخلاری آرازدان اوتایا، مازندران، لرستان، مشهده قاچیر و یا سورگون ائدیلیر، چوخلاری گولله‌له‌نیر!
فریدون بیر ایناملی مبارز کیمی تبریزده خالقینین مدافعه‌سینده دورور و اؤلنه کیمی مبارزه ائدیر.

نهایت بؤیوک فریدون ابراهیمی اوزون مبارزه‌دن سونرا ۱۳۲۷ خرداد آیی‌نین اوچونده چتین ایشکنجه و سوال‌جوابدان سونرا، دیکتاتور اوغلو دیکتاتور محمدرضا پهلوی‌نین شخصی حؤکمو ایله تبریزده چوخ سئویلن گولوستان باغیندا دارا چکیلیر و بیر عؤمورلوک امامیه قبرستانیندا بیر یالقیز آغاج کؤلگه‌سینده یاتیر.
فریدون ابراهیمی دارا چکیلمه‌میشدن اؤنجه زنداندایکن کت‌شالوارینی صافلاییب گئیینیر و یاخاسینا بیر قیزیل گول تاخاراق دار آغاجی‌ آلتیندا بیر قهرمان دؤیوشچو کیمی ووقار و فخرله دایانیر ‌ و همیشه‌لیک اولاراق ظلم آلتیندا آیاقلانمیش خالقی ایلا وداعلاشیر.
مزاری نورلو، یولو گئدرلی اولسون

دسته بندی محصولات
مقالات مرتبط با محصول
مقاله مرتبط با این محصول وجود ندارد.
مرورگر شما بسیار قدیمی است!
جهت مشاهده این وب سایت به صورت صحیح، بروزرسانی مرورگرتان ضروری خواهد بود. بروزرسانی مرورگر
×