قانلی سنه لر

قانلی سنه لر

قانلی سنه لر

وضعیت: ناموجود
پدیدآورنده: محمد سعید اردوبادی

قانلی سنه لر

(سالهای خونین)

ناشر: مولف

چاپ اول 72

247 صفحه

 

قانلی سنه لرکتابی آذربایجانلی مسلمانلارین باشینا گلن بلالاردان بی پارچاسی نین حکایه سی دیر. فقط خلقیمیز داها قاباخکی فاجعه لر کیمی بوندان دا خبرسیز قالمیشدیر. بو 

گون تحصیل گؤرموش آیدینلاریمیزدام بیر نئچه سی بو فاجعه لری اوخویا بیلمیش سه ده، اجتماعی شرطلر و امکان لاریمیز مساعد اولمادیغی اوچون خلقیمیزه چاتدیرا بیلمه میشدیر. گئچمیشده بوتون یازیلان مقاله لر و عموم ارتباط واسطه لری هر یئرده ائرمنی لرین سوزلرینی یایمیشلار و اونلارین ادعالارینی تکرارلامیشلار، ارمنی لوبی سی دونیانین هر طرفینده یاییلمیش خصوصا غربی اوروپا و آمریکادا بؤیوک گوجه و تبلیغات واسطه لرینه و یایما امکانلارینا مالک اولموشدور، بوگون ده بؤیوک دولتلر اونلارین سازلارینی چالییرلار و اونلارین طرفینی توتولار.

قانلی سنه لری تانیتماق وچون اوندان بیر نئچه سطری بورادا نقل ائتمه گه چالیشاجاغام. بونون اوچون قانلی سنه لر کتابینین بعضی خصوصیت لرینه اشارت ائتمگی فایدالی گؤرورم.

1-    قانلی سنه لر طرفسیز بیر اسلوبا مالک دیرو داها دوغروسو حقیقتا اولوب بیته نلری اولدوغو تکین عنوان ائتمیشدیر. نئجه کی کتابین 18 اینجی صفحه سینده محمد سعید اردوبادی بو مسئله یه توخونوب و بئله یازماقدادیر «داها قلم و اقتداریمده بؤیله اهم بیر وظایفی ایفا اوچون بیر قابلیت بیر یاراذیلیق یوخ ایدی. منی بو درجه لره اصعاد ائتدیره ن حؤرمتلی مخبراریمین حمیت ملت پرورانه سی بیرده وجدانیمدیر. اؤت وجدانیم! جمله قافقاز ملت لرینه خواه ائرمنی خواه مسلمان معلوم اولاکی ایشبو تاریخ، هر گونه غرض شخصی و ملیده ن عاری اولوب، هر نقطه ده اوز وئرمیش فاجعه و واقعه لری بیطرفانه یازدیریب قاری لرینه کمال احتمال ایله تقدیم ائده جک دیر.
2-    قانلی سنه لر گله جک نسللرین بو فاجعه لرده ن عبرت آلاراق اؤزلرینی قوروماق فکرینه دوشمه لری اوچون، قافقازدا مسلمانلارین باشینا گلن لرین سبب لرینی آچیقلار کن چوخ مهم بیر نقطه یه دایانماقدادیر. کتابین 23 اونجو صفحه سینده بئله یازیر اوچونجو سبب اغتشاشا گلدیکه، مسلمانلارین علمسیزلیگی و امور حاضره دن بی خبر اولمالارایدیر. مسلمانلار علم و سیاستدن بی خبر اولدوقلاری اوچون حکومت مامورلارینین قافقازدا تؤتدوغو عقیده سینین و ائرمنی لرین او عقیده دن ناسیل بیر استفاده ائتدیکلرینی دوشونمه دیلر. باکی فاجعه سیندن سونرا ائرمنی – مسلمان حادثاتینین بوقدر امتدادینه سبب مسلمانلارین علمسیزلیکی دیر. دیگر بیر جهت وار ایسه، اودا مسلمانلارین سلاحسیز و امور حاضره دن وقوفسیزلیغی دیر.
3-    قانلی سنه لر دینی و ملی روحی بیرله شدیریب اونون دوشمن قارشی سیندا نئجه ایشله دیلمه سینی کتابین 188 اینجی صفحه سینده بئله آنلاتماقدادیر.
«عسگرلر عموما محاربه اوچون حاضرلاندقلاری سیرادا عسگرین بؤیوک قاماندانی آتینا راکبا عیگرلرینه ایشبو نطقی سؤیلمه میشدیر. اولادلاریم! بن هر حالدا ائرمنی ایله مسلمانلارین ایشی بو مقامه یئتیشمک اوچون تاسف لر ائدیرم. مع هذا اونلار ایله بیز چنگه چنگه یه وورماقا مجبور اولموشوق. بو ساعتده بیزلره هئچ بیرایش فایدا وئرمز یالقوز خنجر پاترون مساعده لی دیر. بلی! صلح وقتینده صلح ائتمک محاربه وقتینده مردانه لیم گؤسته رمک لازمدیر. شیمدی گؤرورسنیز ائرمنیلر بیزیم نه قدر قریه لریمیزی داغیدیب نه قدر گلین قیزلاریمیزی یداسارته آلیب اولمویان حقاتلره دوچار و گرفتار ائتمیشلر. آنجاق هئچوقت داریخمینیز! بو اسارت بو حقارت سیزه چوخ آجی دیر ایسه ده داریخمینیز! جمله نیز ائشیدیبسیز کی کربلا مئیدانینده حسین بن علی علیه اسلام بیر اووج تعلیقاتیله یزیدین (لعنة ا...) یوز مینلرجه اشقیا دسته لرینه مقابل دورموشدی.
او مجسم حمیت اوبانی حرتین کربلا مئیدانینده اولان فداکارلیقی عین حقیقتی پرده له مه ییب یزید ولدالزنایه بیعت الی اوزاتماقدان اؤتوری د گیل ایدی؟!  بلی بیعت ائتمه ییب اولاد و اطهارینه اسارت رواگؤرن یالقوزا و حضرت دیر. اما بیز ایل او حضرتین بؤیوک بیر تفاوتی واردیر. اوایسه بودور. او حضره تین باجیلاری حرملری قیزلاری پیغمبر نواده سی علی ابن ابوالب گلینلری اولدوقلاریندان یزید قوشونوندا او جرئت اولمازدی کی حقارتیله اونلارا ال اوزاتسینلار. اما بیلرسنیز قارداشلار حرملریمیز ائرمنی الینه دوشسه نه اولار؟!
بو وقتده عسگرلردن کمال شدتله آغلاماق اوجالیر. گئنه دوام ائدیلیر. بیزیم شریعتده دفاع مسئله سی واجبدیر. اونا جهت قورخونی، جبونلیغی قلبی نیزه یول وئرمیه سنیز. قورخو و هراس ملت و وطن فداکارلیقی قارشی سیندا قبیح و ناروا حرکتلر دندیر. اونا جهت قورخو و هراس قلبیزده مئیدان بولما مالیدیر. قورخو انسانیت و اسلامیته ضد دیر. دوشمن خنجریندن قورخان گؤزوموز، اؤلومی عزیز ساخلادیغیمیزین اسارت و حقارتینی گؤره جکدیر. اؤلمک و قبره گئتمک بیابان دا، دریادا اینکه دوشمن خنجر لرینین آلتیندادا اولسا مساویدیر. اوراسی واضح دیر کی اؤلوم بیر دفعه لیک دیر. بیزیم بو محاربه ده مظفر اولدوغوموز بالعکس قان چالالاریندا مغروق اولدوغوموز البته کی تاریخ صحایفنه دورولوب استقبال ملته و اولاد وطنه یادگار قالاجاقدیر. بیزیم خرمنجیق داشلارینا چکیده اولان خون حمیتمیز ابدا سیلینمیه جکدیر بیزیم نام اسلامی پایدار ائتمک اوچون شهید اولدوغوموز اولادیمیزه اثبات ائده جکدیر. البته محاربه نی ترک ائدیب ایستکلی حرم لر ایستی اوطاق لار آغوشوندا دوغرانساق قیامته قدر اولادیمی بیزه لعنت خوان اولاجاقدیر. قاباقیمیزدا اولان خرمنجیق محاربه سینی اؤزگه غوغالره قیاس ائتمیه رک ثابت اولوب، دوشمنه آرخا چؤ ورمیه سی نیز. عار اولسون او عسگره کی دوشمن خنجرینی آرخاسیندان قبول ائده. محاربه ده رحمی انصافی نظرده توتوب سلاح ایشله دینیز. چوجوقلارا قوجا کیشی لره رحم ائدینیز! صغیر جوجوقلارا ائرمنی حرملرینه مبادا حقارت الی اوزالدیب ستم روا گؤره سنیز! اوحالدا رسول اکرمدن خجالت اولارسنیز، دئییب توفنگینه بیر پاترون قویوب هایدی قارداشلار ...»
4-    قانلی سنه لر کتابی مظالمی گؤزه ل بیر قلم ایله آنلادیب و گله جک نسل لره عبرت اولسون دییه، یادگار بوراخمیشدیر او کتابین 152 اینجی صفحه سیینده بئله یازیر.
«بوشیپور صداسی ائشیدیلیر ایسه ده اسماعیل کدخدانین عقلینه بیر شئی گلمیر. زیرا اؤز ائتدیگی یاخشیلیقلارینا خاطیر جمع ایدی. بو حالدا داشناقستیون لار اومیدلی جماعتی نین دورد طرفینی محاصره ائدیب آتشه توتورلار. بو حالی گورن الی بوش جماعت بیر – بیرینه قاریشیب نه ائده جکلرینی بیلمزلر. اولجه کیشیلری عورتلردن کنار ائدیب قویون گیبی باشلارینی کسیب سونرا عورتلرین بیر پاراسینی ساخلاییب بیر پاراسینی دا اؤلدورولر.
بوقاریشیقلیقدا همان انسان ساللاخخاناسیندان آنجاق (30) نفر جتنینی قورتارمیشدیر کی بو سؤزلری نقل ائله ییرلر. ائرمنیلر حامله عورتلرین خنجر ایله قاررنینی پاره لندیره نده معصوم جوجوقلارین قانلی باشلاری ائشیگه چیخیرمیش. مسلمانین خانیم عورتلری، قیزلاری، ائرمنی وحشی لرنین الینده قالیب او طرف بو طرفه قاچماقدا ایدیلر. قاچانلارین دئدیگینه گؤره بیر نئجه عورت دیردی ساخلامیشدیلار.»
قانلی سنه لرین هر صفحه سینده یئنی بیر سؤز و یئنی بیر قورتولوش نغمه سی واردیر و آذری مسلمانلاری نین مظلومیت کتابی دیر و اوتایداکی قارداشلاریمیزین ملی وارلیغیندا بویوک تاثیر بوراخمیشدیر. بو کتابین اوخونماسینی بوتون مسلمان وطنلاشلاریمیزا هله آذربایجانلی اوخوچولاریمیزا اوره کدن توصیه ائدیره م.
دکتر جواد هیئت – تهران 1372
 

 

دسته بندی محصولات
مقالات مرتبط با محصول
مقاله مرتبط با این محصول وجود ندارد.
مرورگر شما بسیار قدیمی است!
جهت مشاهده این وب سایت به صورت صحیح، بروزرسانی مرورگرتان ضروری خواهد بود. بروزرسانی مرورگر
×