قمارباز

فئودورمیخایلوویچ داستایوفسکی

حاضیرلایان: شهرام بهشاد - حسن اوموداوغلو

رئداکته: زینال جعفرپور

چاپ اول 1398

217 صفحه

ناشر: قالان یورد

شابک : 9-03-6765-622-978

سؤز صنعتینین نهنگ لریندن بیری، روس و دونیا ادبیاتینین کلاسیکی فئودور میخایلوویچ داستایوسفکی بو رومانی مبالغه سیز، ایکی داشین آراسیندا یازیب. ناشر «ف، استلووسکی» ایله باغلادیغی مقاوله یه گؤره 1866-  جی ایل نوامبرین بیرینده اونا یئنی اثر وئرمه لیدی. اما همین واخت «جنایت و جزا» رومانینی بیتیرمه یه چالیشدیغیندان استنوقرافچیسی آ.ق. سینیتکینانین کؤمه ییندن استفاده ائلمه مک مجبوریتینده قالیر. جمعی ایییرمی بئش گون عرضینده 1860-جی ایل اوکتوبرون دؤردوندن ایییرمی دوققوزونا دک اثری دیکته ائلیییر و واختیندا نشریاتا تحویل وئریر.
(قمارباز) 1863-جو ایلین پاییزیندا (رولتنبورگ) آدی آلتیندا، هم ده حکایه کیمی دوشونولموشدو. 1862، 1863و 1865-جی ایللرین یاییندا آلمانیانین جنوبداکی بادئن-بادئن کورورت شهرینده گئدن و بورادا رولتکا ایله آپولیناریا سوسلووای عشق ماجرالاری یاشایان داستایوفسکی یاشانتی لارینی کاغیذا کؤچورمه یی پیلان لاشدیرمیشدی. اثرین قهرمانی خارجه ده یاشایان روس اولمالی ایدی.
«... باشلیجا مسئله اونداندیر کی، اونون بوتون حیات جوهری، قوه سی، دلی سوولوغو، جسارتی رولتکایا صرف اولوندو. او، قماربازدی، اما پوشکین ین خسیس جنگاوری، ساده جه، خسیس اولمادیغی کیمی، او دا عادی قمار باز دئییل. او، اؤزونه خاص شاعردی، بونونلا بئله ایش بوراسیندادی کی، اؤز پوئزیاسیندا اؤزو اوتانیر، اونا گؤره کی، ریسک احتیاجی اونو اؤز گؤزلرینده نجیب لشدیرسه ده، بو پوئزیانین رذیل لییینی درین دن حس ائلیییر ...». بوتون حکایت اوندان عبارتدی کی، او، اوچونجو ایلدی، قمارخانالاردا رولتکا اویناییر ...» - داستایوفسکی مکتوب لارینین بیرینده یازیردی.