اورمو خانلیغی

انور چینگیز اوغلو، بهرام ممدلی

مترجم: محمدرضا اسماعیل زاده

ناشر: نباتی

چاپ اول 1396

240 صفحه

شابک: 4-05-8690-600-978

خانلیقلار دؤنه می، آذربایجان تاریخینین، آذربایجان دؤولتچیلیک تاریخینین ماراقلی و مهم صحیفه لریندن بیرینی تشکیل ائدیر. تاریخی منبع لر اورمونون آذربایجانین تاریخی اراضیسی اولدوغونو تصدیق ائدیر. اورمو آذربایجانین قدیم دؤرلتچیلیک مکانلاریندان بیری، ایلک اورتا عصرلرده ایسه یئرلی فئودال حاکملیگینین مرکزی اولموشدور. ایکینجی عصرده اورمونو سلجوقلار، دوردونجو عصرین اوللرینده مونقولار ایشغال ائتدیلر. دوققونجو عصرده اورمو ویلایتی قاراقویونلو و آغ قویونلو دؤولتلرینین ترکیبینه قاتیلمیشدی.

صفویلرین دؤورونده ایسه اورمودا افشار ائلینین والی لیگی، بیلربیی لیگی مؤوجود ایدی. افشارلار بو بؤلگه نی ایداره ائدیر، اونو دوشمن باسقینلاریندان قورویوردولار. صفویلر دؤولتینین سقوطوندان و نادر شاهین اؤلوموندن سونرا 12-جو عصرین اورتالاریندا اورمو خانلیغی تشکیل تاپدی. آذربایجان خانلیقلاری ایچری سینده اورمو خانلیغی اؤز وارلیغی عرضینده، سیاسی مؤوقعیتینه و حربی گوجونه گؤره اؤنملی یئر توتوردو. سووئت تاریخ شوناسلیغیندا عمومیتله، آذربایجان خانلیقلارینین  تاریخینه اعتیناسیز یاناشیلمیش، اونون تدریس ادبیاتی کیمی ایشلنمه سی ایسه دقتدن کنارا قالمیشدیر. آذربایجان موستقیللیک قاراندیقدان سونرا، وطن تاریخینه یئنی باخیشلار سیستیمی فورمالاشمیش آذربایجان خانلیقلارینین تاریخی ارتباطینین آیری - آیری خانلیقلارین تاریخینه یئنیدن باخماق ضرورتی یارانمیشدیر. تحقیقات اوزرینده اورمو خانلیغینین تاریخی، خانلیغی اجتماعی - سییاسی وضعیتی، سوسیال - اقتصادی دورومو، قونشو خانلیقلارلا سیاسی علاقه لری، مدنیتی و ... مسئله لر ایشیقلاندیریلمیشدیر. بو اثر حاضرلانارکن، معتبر منبع لر - آرشیو سندلریندن، تاریخ دانشگاهلارینین علمی آرشیویندن، ایستانبولون جمهوریت کیتابخاناسی آرشیویندن، اینترنت صحیقه لریندن، آذربایجان، روس، تورک و فارس تاریخچی لرینین اثرلریندن استیفاده ائدیلمیشدیر.