"من" آدیندا بیر یولدان اؤتن

رهگذری به نام "من"

اشعاری به زبان های ترکی و فارسی

نریمان سپهروند

ناشر: اولکر

چاپ اول 1392

105 صفحه

شابک: 2-7-93270-600-978

" نریمان سپهروند" 1363 نجی ایلین(1984) فروردین آییندا تبریز شهرینده بیر اورتا حاللی بیر عائیله ده، آنادان اولدو. اورتا مکتبی، تبریزین سمپاد مدرسه لرینده باشا یئتیردیکده ن سونرا، 1381-نجی ایلده اورمیه حکیملیک بیلی یوردوندا طب رشته سینی قازاندیقدات سونرا اورمیه شهرینه داشیندی. اونیورسینه نی بیتیردیکدن سونرا، بیر نئچه ایل ایرانین ده ییشیک بؤلگه لرینده طبیبلیک ائتدی.

طب ساحه سینده تحصیل ائتمک و اؤنون مدرن علملره اولان درین ماراغی، اونو ادبی یاراداجیلیقلاردان اوزاق ساخلایابیلمه ییبدیر. بو ایللرده اونون شعرلری و اجتماعی مقاله لری، اورمیه نین ادبی درگیلرینده یایینلانیبدیر. اونا گؤره، ایراندا طب، هئچ بیر وقت، فلسفه و ادبیات آلانلاریندان آیری دئییلدیر. دکتر سپهرونده گؤره داها اؤنجه لر دوغو بؤلگه سینده "طبیب" عنوانی یئرینه، "حکیم" آدینی ایشله دیردیلر. بو جریان معاصر ایللرده ده، "محمد حسین قریب" کیمی آدلیم دکترلر آراسیندا دوام ائدیلیبدیر.

نریمان سپهرونددن سون ایللرده طب ساحه سینده، 40 دان چوخ علمی مقاله، اولوسلارآراسی آکادئمیک درگیلرده اینگیلیزجه اولاراق یایینلانیبدیر. اونون نشر ائتدییی باشقا کتابلاردان، "گپ نشریاتی" طرفیندن، ایکی فارسجا کتابا و "لمبرت آکادمیک نشریاتی" طرفیندن ایسه یایینلانمیش اولان ایکی اینگیلیزجه کتابا اشاره ائتمک اولار. الینیزده کی بو ایکی دیللی شعر کتابی، شاعرین 1385-1392 ایللرینده یازیلان شعرلریندن سئچیلمیشدیر.

اولکر یایین ائوی