توضیحات

آذربایجان عاشیق داستانلاری سه جلدی

• حاضیرلایان: حسین ساعی
• ناشر: نشر اختر
• چاپ اول 1400
• شابک دوره: 2-501-486-600-978

آذربایجان ائل ادبیاتی نین ان ماراقلی و رنگارنگ موضوعلارلا زنگین نوع لریندن بیری داستانلاردیر.

داستانلاریمیزا ملتین منلیگی، بنزرسیزلیگی، فلسفی و اخلاقی باخیشلاری، دونیا گؤروشو و دونیا دویومو عکسینی تاپیر، داورانیشین ان اینجه چالارلاری آچیلیر، تورپاغین عطری و رنگلری، داغلارین عظمتی، مئشه لرین، چایلارین، بولاقلارین سرینلیگی، چؤللرین، دوزلرین گئنیشلیگی جانلاندیریلیر.

تقدیم اولونان جلده ائلین بو شفاهی سؤز صنعتی انجیلریندن – حق عاشیقی قربانی حقینده رمزی مجازی سجیه لی “قربانی”، مضمونلو “طاهر و زهره”، دده قورقود دونیاسی ایله چوخ یاخیندان سسلشن “نوروز”، عائله معیشت موضوعلو “الی خان”، ائله جه ده قهرمانلیق داستانلاریندان محبت داستانلارینا کئچید تاثیری باغیشلایان “لطیف شاه”،”شاهزاده ابولفتح” کیمی چوخ سئویلن، خالقین دویغو و دوشونجه لرینی، ایستک و آرزولارینی بوتون الوان یؤنلرییله ترنم ائدن داستانلار داخل ائدیلمیشدیر.

گئنیش یاییلان بو داستانلاردا ائلین حیات و مبارزه سی تاریخیندن، کئچمیشین شیرین و آجی تجربه لریندن الده اولونموش فکر و آرزولاری عکسینی تاپیر.

همین فکرلرین داشیییجیلاری اولان داستان قهرمانلاری بیر فرد اولماقدان چیخیب یوردون قهرمانلیغی، گوجو، ذکاسی و انسانیت تمثالینا چئوریلیرلر.

آذربایجان خالق داستانلاری نین عمومی سایی اوچ یوزه یاخین اولا بیلر.

داستانلارین عمومی ساییندان فرقلی اولاراق اونلارین آیری آیری عاشیق محیطلرینده کی سایی نسبتا آزدیر. مثلا، تبریز قاراداغ عاشیق محیطینده اورمیه عاشیق محیطینده آلتمیشدان یوخاری، بورچالی و گنجه باسار عاشیق محیطلرینده اللیدن چوخ، شیروان عاشیق محیطینده اوتوزا قدر داستان مشاهده اولونور.

عاشیقلارین اؤز داستانلارین عمومی سایی نین داها بؤیوک اولماسینا سبب ایسه آیری آیری مختلف داستانلارین موجودلوغودور.