توضیحات

آذربایجان عاشیق داستانلاری دوره 5 جلدی

• ترتیب ائدنلر: محمد حسین طهماسب و اهلیمان آخوندوو
• حاضیرلایان: عیوض پورحسن
• ناشر: آذر توران و نباتی
• بیرینجی چاپ 1399
• شابک دوره: 9-01-7348-622-978

آذربایجان ائل ادبیاتینین ان ماراقلی و رنگارنگ موضوعلارلا زنگین ژانرلاریندان بیری داستانلاردیر. داستانلاریمیزدا ملتین منلیگی، بنزرسیزلیگی،فلسفی و اخلاقی باخیشلاری، دونیا گؤروشو و دونیا دویومو عکسینی تاپیر، داورانیشین ان اینجه پسیخولوژی چالارلاری آچیلیر، تورپاغین عطری و رنگلری، داغلارین عظمتی، مئشه لرین، چایلارین، بولاقلارین سرینلیگی،چؤللرین، دوزلرین گئنیشلیگی جانلاندیریلیر.

تقدیم اولونان جلده ائلین بو شفاهی سؤز صنعتی اینجلریندن _ حق عاشیغی قربانی حقینده رمزی _مجازی سجیه لی “قربانی”، اساطیری مضمونلو “طاهر و زهره”، دده قورقود دونیاسی ایله چوخ یاخیندان سسلشن “نوروز”،  عائله _معیشت موضوعلو “عالی خان”، ائله جه ده قهرمانلیق داستانلاریندان محبت داستانلارینا کئچید تاثیری باغیشلایان “لطیف شاه”، “شاهزاده ابولفضل” کیمی چوخ سئویلن،خالقین دویغو و دوشونجه لرینی، ایستک و آرزولارینی بوتون الوان یؤنلرییله ترنم ائدن داستانلار داخل ائدیلمیشدیر. گئنیش یاییلان بو داستانلاردا ائلین حیات و مبارزه سی تاریخیندن، کئچمیشین شیرین و آجی تجربه لریندن الده اولونموش فکر و آرزولاری عکسینی تاپیر. همین فکرلرین داشییجیلاری اولان داستان قهرمانلاری بیر فرد اولماقدان چیخیب یوردون قهرمانلیغی، گوجو، زکاسی و انسانیت تمثالینا چئوریلیرلر.