ایشیق

کتاب "ایشیق" نوشته ی علی رضا نابدل. اوختای/انتشارات پینار
1323_ جوایلده تبریزده آنادان اولموش و همن شهرین بیلیم یوردوندا حقوق رشته سینده
تحصیلاتینی بیتیرمیشدیر.
1347_ جی ایللرینده صمدله تانیش اولور و اونون گوستریشییله بهروز دهقان  مناف فلکی ایله ده یاخیندان دوستلوق قاتمیشدیر و اونلارلا خالق فدایی لر قوروپونو یاراتمیشدیلار.
1350_ جی ایلده تهرانین پامنار محله سینده ساواکین قوودوقاچدی تعقیبیندن سونرا گولله لنمیش و یارالانمشدیر. او گونلرین تانینمیش شکنجه گری «نیک طبع»ین آغیر ایشکنجه سینه معروض قالمیش و نهایت همن ایلده آلتی دؤنه اعدام حکمی، اؤز خالقینا ارمغان  آلمیشدیر.
1350_ جی ایلین اسفند آیینین 22-جی گونونده تهراندا جلاد محمدرضا شاهین نؤکرلرینین توسطی ایله دیوار دیبینه سؤیکنمیش و قیزیل قانینی خالق ساتقینلارینین اوزونه چیلتمیشدیر.
یاشماق، گونئی شعرینی مدرنیته ایله باریشدیران شاعیرین بیریجیک شعر اثرینی یایینلاماقدان اؤیونور و بوفخری ملتیمیزله پایلاشماقدان سئوینجک دیر.
ال اله ...
آی اوشاق لار ال_اله
ال اله وئرین گئدک آرزو گیله
آرزوگیل بیزدن کوسوب لر، بیلیریک
بو زامان بیز ال اله وئرمه لی ییک.
اونلاری قایتارماغا گئتمه لی ییک
قوجالار دیللنسه لر باش وئرمه یین
گئجه نین قیفیل لارین آچین گلین
بیر گئجه آی چیخاندا بیز چیخاریق
سئل تکین بؤلگه لی داغدان آخاریق
دوشمانین ائوجییینه اود یاخاریق
آی اوشاق لار ال اله
ال اله وئرین گئدک آرزو گیله ...