علی و نینو

علی و نینو رومانی، آذربایجاندان تانینان ان مشهور رومان لاردان بیریسی دیر.
مولفی نامعلوم اولان، دونیانین 30 دیلینه ترجمه اولونموش علی و نینو رومانی، آروپا اؤلکهلرینده، آذربایجانلیلارین کیملیک کارتی کیمی حساب اولونور، دین، ائتنیک، منافع چارپیشمالاری سببیندن، 20 نجی عصرده، دونیا محاربه سینین قانلی_ قادالی گون لرینده، علی و نینو حیات ناغیلی، قفقاز خالق _لارینین تولرانسلیغی، چییین چییینه یاشادیق لارینی، مشترک سئوگی، مشترک قایغی و کدر، مشترک طالع و حتی خیانت لرینی ایسه اؤزونده باریندیران بیر بویؤک اثردیر. سیاست اینسان لاری و کوتله لری سوموره_سوموره بوتون امکان لارینی ال لریندن آلمیش، همیشه اؤزلرینی دیر کیمی جهالتین یادداشینا حک ائتدیک لری زامان، عشق و هنر ایسه سرحدلرده، رسمیته تانینمادان اؤز نامعلوم و گیزلی حیات لارینا دوام ائدیرلر. علی و نینودا باشقا محبت اثرلری کیمی دؤولت لرین یوخ، خلق لرین ناغیلی دیر.
دومان اردم ین بو اثرین کؤچورمه سینده توتدوغویول احد فرهمندین توتدوغویولدان بام_باشقا اولدوغو اوخورا آیدین دیر. فرهمند اثرده تام یئرلی لهجه میزه و سؤز داغارجیغیمیزا دایاناراق هر بیرزادین چئویریلمه سی نی دوشوندوکده اردم چالیشیر اوخورو علی و نینونون یاشادیغی فضا_زمانا آپاریب اوخورون چتینلیک چکدییی یئرلرده آلت_یازیلارلا اونا یاردیم ائدیب چاشباشلیقدان قورتارا. بیزیم کؤچورمه میزی اوخورکن علی ایله نینونون و بوتون کاراکترلرین یاشادیغی دیل فضاسیندا اولوب دیلیمیزده کی ماجرالار شاهید اولاجاقسیز.