توضیحات

آرزی ایله قمبر داستانی

(کرکوک، آنادولو، طوزخورماتو، هئشتری و کیلیس روایت لری)

و اوستاد حبیب ساهیرین حاضیرلادیغی روایت

• تدوین، تصحیح و اَتک یازیلار: دکتر حسن م.جعفرزاده
• ناشر: نخبگان یایین ائوی
• چاپا حاضیرلایان: سعید موغانلی
• بیرینجی چاپ 1394
• 112 صفحه
• شابک: 4-38-5965-600-978

اصلینده یازیلی ملی داستانلاردان اولوب سورادان خلق آغزینه گئچمیش اولدوغونا ایناندیغمز آرزی ایله قمبر حکایه سی، عراق تورکلری آراسیندا ان چوخ مشهور اولان تورکولو حکایه لردن بیری دیر.

بونون سون زامانلاردا آغیزلاردان دَرله نیب (توپلانیب) یاییملانمیش چئشیدلی نسخه لرینه راستلانماقا برابر حکایه نین، مع الاسف، (تاسوفله) اسکی بیر متنه هنوز تصادف ائدیلمیش دئییلدیر. بو حکایه نین اسکی دن بری اوغوز تورکلری آراسیندا بیلیندیگی آنلاشیلماقدادیر. بو آرادا بیزم دیارلاردا مثاللاشمیش بیر شکلی قادین مجلسلرینده سؤیلنمکده دیر.

داستانی ماهیتی اولان بو حکایه نی خلقیمیزین دیلیندن آلاراق یاییملاییریق. بیزیم یاییملادیغیمز بو حکایه، باشقا اؤلکه لرده کی یاییملانمیش دَرمه لردن تمامیله فرقلی – دیر. هله بیر دفعه موضوع اعتباریله اؤته کی دَرله مه لردن آیری اولان بو ََََََاثر داستانی موتیولرله سوسلودور (بَزنمیشدیر). اؤته‌کی درله مه لر خلقین دیلی ایله یازیلمیش اولماییب درله یه نین اؤز یازی اوسلوب ایله میدانا گتیریلمشدیر. بیزیمکی ایسه باشدان سونا تکین حرفی-حرفینه آغیزدان آلینمیش بیر اثردیر. نیته کیم (همی ده) بو حکایه نی چئشیدلی آغیزلاردان تیپه (شریط) آلاراق اولدوغو کیمی دهیاییملاماغا تشبوت ائتدیم. دیل باخیمیندان مکتب فلان تاثیری آلتیندا قالمایان سایین یاشلی خانیمین قونوشما دیلینه هئچ توخونمادان حکایه نی کلیمه-کلیمه، جمله-جمله تثبیت ائتدیم. بو، یئرلی آغیز اوچون گونین اَن گؤزل اؤرنکی دیر.