توضیحات

اوزون – اینجه بیر یولداییم

• عاشیق وئیسل
• حاضیرلایان: نوراله پورشریف
• ناشر: آذر توران – نباتی
• 256 صفحه
• بیرینچی چاپ 1398
• شابک: 8-83-6063-622-978

علشیق وئیسل اولاراق تانینان اصل آدی «وئیسل شاطیر اوغلو» اولان اوستا اوزان «افشار» تورک بویونون «شاطیرلی»طایفاسینا منسوب دور. او 25 اوکتیابر 1894 – جو ایلینده تورکیه نین «سیواس» شهرینین «شارقیشلا» ائلچه سینه باغلی «سیوری آلان» کندینده دونیایا گلدی. او ایل لر عاشیقلار بایرامیندا اشتراک ائتمه سی و «آتاتورک» اوچون اوخودوغو تورکودن سونرا آدلیم لیغی آرتاراق آدلانماغا باشلامیش دیر. بو ایل لرده یالنیز اؤز کندینده دئییل، تورکیه ده بیر چوخ یئر گزه رک تورکولرینی هر کسیمه کؤچورموش دور.

«عاشیق وئیسل» حیاتی بویونجا تورکییه نین آز قالا هر یئرینده کی عاشیقلارلا قارشیلاشیب تانیش اولدو. سئویلن خلق اوزانینی اؤلومونه دک هر یاشدان عاشیق زییارت ائتمیش دیر. «وئیسل شاتیر اوغلو» یعنی «عاشیق وئیسل» ین اثرلری آراسیندا ان چوخ سئویلن و ایندیلیکده فرقلی هونرمنلر طرفیندن ایجرا اولونان «اوزون، اینجه بیر یولدایام»، «آلا گؤزلو بنلی دیلبر»، «دوستلار منی خاطیرلاسین»، «منیم صادیق یاریم قارا تورپاق دیر» آدلی پارچالار، فرقلی تنظیملنه رک، خصوصی ایله گنج نسلین کؤنلونو فتح ائتمیش دیر. افسانه اولان و تورکو دئیینجه ایلک فیکره گلن خلق اوزانیمیز، «هامیمیز بو یوردون اؤولادلاریییق»، «مملکته داستان اولدوم.» ادلی اثرلر ایله یوردونا اولان عئشقینی ماهنیلار ایله ایفاده ائتمیش دیر. عاشیقلارین یاشادیقلارینی، ان گؤزل شکیلده پارچالارینا تؤکن هونذمن، «عئشقین منی ائلدن ائله گزدیردی»، «سن بیر جئیران اولسان من ده بیر اووچو»، «سن اولماسان»، «کژنول بیر گؤزلی سئومیش» آدلی ماهنیلاری ایله یارالی اورکلره درمان اولموش دور.

خلق اوزانیمیز طبیعته اولان عئشقینی ده بیر ایلک ثبت ائتمیش دیر. یوردونا ایلک میوه آغاجینی یئتیشدیره رک، دییر کندلیلره ده نومونه اولموش دور. و زامانلا یوردوندا چوخ نوع میوه آغاجی یئتیشدیریله رک، کندلیلرین بو یول لا پول قازانماسینا وسیله اولموش دور. گؤزلری گؤرمه دییی اوچون بیله سینه پیس ایتیهاملار ووران کندلیلر، سونرادان پئشمان اولموشلار و اوزانیمیزین کور اولمادیغینی، عکسینه ان اوزاق نقطه لری بئله کؤنول (بصیرت) گؤزو ایله گؤردویونو دیله گتیرمیشلر. «آنادولو» مدنیتینین نوماینده سی، قاپ قارانلیق دونیاسیندا آیدینلیق دوشونجه لر داشییاراق، دییر هونرمنلرین باش مشقی اولموش دور. تورکییه ده اوستون بیر یئرده اولان اوزانیمیز، 1973 – جو ایلده سرطانا مغلوب اولوب حیاتینی ایتیرمیش دیر. سؤزلرینین یالینلیغی و اصیل تورکجه نی عکس ائتدیردییی اوچون ده سئچگین بیر یئرده اولان هونرمن، دیل لردن دوشمه ین ماهنیلاری ایله اؤلومسوزله شیر.

اؤن سؤز یازانی:

حسرو باریشان / تبریز/ یای 1398