بیر یاشلی خانیم خاص بیر مریضلیک توتوب و اؤلوم حالیندا اؤزو ایله فیکیرلهشرک دانیشیر…
و اؤلوموندن سورا اوشاقلاری و باشقا یاخین فامیللر و قونشولار طرفیندن گؤرولهجک ایشلری ذهنیندن کئچیریر…
آذربایجانین گوجلو قلم صاحیبی اولان، رومان و حئکایه یازاری و باجاریقلی مترجیمی، آفاق مسعودون بو گؤزل رومانینین ایرانداکی نشری، آذربایجانیمیزین گوجلو ژورنالیستی و آراشدیریجیسی سایین اصغر زارع کهنمویییه تقدیم اولموشدور.
ادبیات، حادثهلرین یوخ، حسلرین سوژهسیدیر.
ادبیات اصلینده بیر اویوندو!
یازیچی، دئمک ایستهدیکلرینی، باشینا گلنلری، یاخین آدامینا دانیشان کیمی، قیساجا یازا بیلر، اما او بئله ائلهمیر.
دئمک ایستهدیکلرینه مین بیر دون گئیندیریر، اوخوجونو ، بعضا اؤزونو ده چاشدیرا -چاشدیرا، ایری -اویرو یوللارلا گئدر.
“آفاق مسعود”
یازدیغی رومان و حئکایهلردن بیر چوخو روس، انگلیس، فرانسا، آلمان، اؤزبک، فارس و بیر چوخ آیری دیله ترجمه اولونان آفاق مسعود اؤزل یازیچیلیق سایاغیایله بو گونکو آذربایجان و دونیا ادبیاتیندا یوخاری روتبهیه مالک اولوبدور.
اوزو ایشیغا اؤلومو قارشیلایان بیر قادینین سون گونلریدیر. هر شئی بیر اوتاقدا یاشانیر، قادین یئریندن دورامایاجاق قدر گوجسوزله شیب،
قادین دونیاسیندا اؤلومون رنگی ده باشقادیر، دویغولار، گؤزلهنیلن قوناقلار حتی آغری چکمک ده فرقلیدیر و بونو قاباریق شکیلده اوزو ایشیغادا گؤرمک اولور.
بو کتاب آذربایجان ادبیاتیندا قادین ایزیدیر. گوجلو قلمی و قیوراق دیلی ایله آن به آن، اوخوجونو اؤلوم حالیندا اولان قادینین حیاتینا چکیب، اونونلا بو آجی دولاییلاری دولانیر، اؤلومون گؤزونون ایچینه باخیر یاشاییر و یاشادیر، سانکی الیمی اوزاتسام گؤزونو چیخاردا بیلهرم آغریلارین، سیزیلارین…
اوزو ایشیغا ژورنالیست شاعریمیز سعید موغانلینین چالیشماسیایلا چاپا حاضیرلانیب سایین شاعره و خانیم آلما موغانلی طرفیندن لاتینجهدن کؤچورولوب، نخبگان یایین ائوی طرفیندن بو ایلین پاییزیندا یایینلانمیشدیر.
آفاق خانیمین بوتون اثرلرینین اوخوماسینی چاغداش ادبیاتیمیزی ایزلهینلره اؤنری وئریریک…
وورغولاماغی یئرینه دوشر کی، آفاق مسعودون ازدحام آدلی رومانی یئنیجه “شلوغی” آدی ایله، محمود مهدوی طرفیندن فارس دیلینه ترجمه اولموش، شورآفرین انتشاراتی طرفیندن یایینلانمیشدیر.
ضمانت اصالت کالا
7 روز گارانتی بازگشت وجه
هیچ دیدگاهی برای این محصول نوشته نشده است.