فریده چیچک اوغلو 1951 – جی ایلده آنکارادا دونیایا گؤز آچدی معمارلیق، ادبیات و سینمایا داییر تحصیلاتی اولموشدور. اورتادوغو تئکنیکال یونیوئرسیت سیندن معمارلیق لیسانس و فوق لیسانس آلدی. آمریکانین پنسیلوانیا یونیوئرسیته سینده دوکتوراسینی بیتیریب تورکیه یه دؤندو. 1980 –جی ایلده سیاسی نه دن لره گؤره توتولوب دؤرد ایل زندانا محکوم اولدو.
یازدیغی کتاب لار چوخلئ دیل لره چئوریلمیشدیر. اونون بیرینجی اثری ساییلان «اوچورتمانی وورماسینلار» (1989)، و اونون آردیجا «اومودا یولچولوق» (1990) سئناریو کیمی ده یازیلیب، اونلاردان چکیلن فیلم لر چوخلو اؤدول لر قازانمیشدیر. بو اوزدن چیچک اوغلونون سینما ساحه سینه یول آچماسی اونا ایندیلیکده  استانبول بیلگی یونیوئر سیته سینده سینما – تلویزیون بؤلومونون اؤیر تمنلیینه چاتدیر میشدیر.
چیچک اوغلونون باشقا اثرلری «سیزین هئچ بابانیز اؤلدومو؟» (حیکایه توپلوسو)، «سویون او بیری یانی» (رومان) و «یوز اؤلکه دن مکتوب لار» (حیکایه توپلوسو).