توضیحات

ایتمیش شَهَر

شعر توپلوسو

• یازار: یوسف امان پور
• ناشر: نشر اختر
• چاپ اول 1396
• 224 صفحه
• شابک: 1-979-517-964-978

«امان پور»ون شعر توپلوسونون عنوانی «ایتمیش شَهَر» دیر. بو عنوان توپلودا اولان شعرلرین بیریندن آلینیب دیر (صص 105-106). بو شعر شاعیرین «دونیا گؤروشونو» بوتون لوک له گؤسترمه سه ده، اونون ذهن ینده «شهر» آنلامی نین دریندن ائتگی بوراخیب، کوک سالدیغینی گؤرسه دیر.

تک بو شعر یوخ، توپلوم دا گتیریلن یوز اوتوز دورد قطعه شعرین، اوتوز ایکی قطعه سینده «شهر»دن و اون ایکی قطعه سینده «تبریز»دن سؤز گئدیر.

«تبریز» شاعیرین یاشادیغی شهردیر. شاعیرین بو شهرده وورغون لوقو دوردونجو، ایگیرمی یئددینجی، آتمیشینجی، یئتمیش بئش اینجی له یوز ایگیرمی ایکینجی شعرلرده آپ-آیدین گؤزه چارپیر. بونونلا بئله شعرلرین چوخوندا بئزیک مک اوزه رینده یامان-یاووزا یاخین سؤزلرده شهر حاقیندا دئییلیر؛ نئجه کی شاعیر اونو آجی قارانلیق، جسد، کئف لی، جان سیخان، ایچی بوش، دلی، کئچلی کؤپئی اوغلو، قاریسی آل-وئرچی، اؤزگه لرله دولو، عیاش، گیجلمیش، چیسگین لی و نهایت ده سوی قیریما لایق گؤرور. بئلنجی دویغو دیلک لری آنجاق دیالکتیک یولو ایله یوروب یوزماق اولار.