توضیحات

ایران آذربایجانی نین نثر آنتولوژیسی

(باشلانغیجدان بو گونه قدر)

• پروفسور واقف سلطانلی / دوکتور ایرج اسماعیلی
• کؤچورن: رحیم خیاوی
• ناشر: پارلاق قلم
• 678 صفحه
• بیرینجی چاپ 1400
• شابک: 5-68-6993-622-978

عمومیتله حکایه ژانری نین مدرن شکیلده فورمالاشماسیندا، یالنیز ایکی بؤیوک یازیچی اساس رول اوینامیش لار. بونلاردان بیری میرزه جلیل محمد قولوزاده، او بیریسی ایسه عبدالرحیم طالبوف دور. آدلارینی چکدیییمیز یازیچی لار، روس ناثرلریندن و اونلارین آذربایجان حکایه سینی ائله بیر زیروه یه چاتدیردیلارکی، حکایه انکشافی نین تاریخی اونلارسیز غیر ممکندور. بو گونکو گونوموزده بیزیم مدرن نثریمیز یئنه میرزه جلیلین و عبدالرحیمین نثریندن تاثیر آلماقدادیر.

اوخوماقدا اولدوغونوز بو آنتولوژینی توپلایان لارین دئدییینه گؤره «ایران آذربایجانی نثری نین احاطه لی شکیلده تقدیم اولونماسی ممکن دئییل». بو سؤز البته چوخ یؤن لردن حقیقته اویغون و طبیعی بیر مسئله دیر.

ادبیات دا اجتماعی پدیده لر کیمی زامان اؤتدوکجه اؤزونو یئنی لشدیریر؛ زامان طلباتی ایله آددیملاماغا چالیشیر. ایران آذربایجانیندا بوگون چوخ گوجلو و گؤرکملی گنج یازیچی لاریمیز اؤزونو تقدیم ائتمکده دیر. دیرلی مدرن رومان و داستانلار نشر اولونوب و اولونماقدادیر. بیزسه بو اوزدن، گله جکده ائله بو گنج یازیچی لاریمیزین یاردیمی ایله بو آنتولوژینی مکمل صورتده اوخوجولارا تقدیم ائتمک قرارینا گلمیشیک.

رحیم خیاوی