توضیحات

بئش مرتبه‌لی ائوین آلتینجی مرتبه‌سی

رمان

• آنار رضا
• کؤچورن: ائلیار پولاد
• حاضیرلایان: سعید موغانلی
• ناشر: ساوالان ایگیدلری
• بیرینجی چاپ 1398
• 290 صفحه
• شابک: 8-74-8821-600-978

… اما قفیلجن سکوت چؤکدو. یوخونون سئیرک تورانلیغی ایچینده زائور، حتی بیر قدر تعجبلندی ده. آخی نئجه اولدو کی، بؤیوک هتلین بوتون های،کویو، یاد، اؤزگه دیللی دانیشیقلارین هنیرتیسی، هاردانسا، چوخ اوزاقلاردان ائشیدیلن موسیقی صدالاری (ساکسافون، رویال، ضرب آلتلری چالیردیلار)، آسانسورین حرکتی، بوتون باشقا سسلر، قفیلجن غیب اولدو و بوتون بو تانیش سسلرله بیرلیکده اوکیانین دا اوغولتوسو کسیلدی …گئجه یاریدان کئچمیشدی. واخت جدولی، آداملارین یاتیب، دورما مقاملاری بوتون دونیادا تقریبا عینی جوردور و بو جدولین حؤکمو انسانلارین ایجاد ائتدیکلری ماشین لارین، مکانیزم لرین، آلت لرین سسلری ایله برابر طبیعتین محتشم خلقتی، اوکیانین دا سسینی کسمیشدی ائله بیل.